جۇلدىزداي جارق ەتكەن قالامگەر

ماسكەۋدە ساپەر ۋچي­­ليششەسىندە وقي­دى. ەكىنشى دۇنيە­جۇزىلىك سوعىستا وق پەن وتتىڭ ورتاسىندا ءجۇرىپ, «تىڭدا, كاۆكاز», «مەن ءومىر سۇرگىم كە­لەدى», «شىعىس ۇلىنا حات» اتتى ازاماتتىق رۋح­قا تولى جالىندى دۇنيەلەر جازادى. قازاق جانە ورىس تىلىندە جەتىك جازاتىن جاس قالامگەر­دىڭ ماقالالارى «سو­تسياليستىك قازاقستان», «كومسومولسكايا پراۆدا» گازەتتەرىندە جارىق كورگەن. مايدان دالاسىندا قالامىمەن دە, قارۋىمەن دە كۇرەسكەن باۋبەك 1944 جىلى قازا تابادى.

قايسار قالامگەر, جالىندى جاۋىنگەردىڭ تۋعان جەرى ۇلىتاۋ اۋدانىندا باۋبەك بۇل­قىشەۆتىڭ 110 جىلدىعىنا ارنالعان مادەني ءىس-شارا ۇيىم­داستىرىلدى. اۋدان ورتا­لىعىندا ورنالاسقان باۋ­بەك بۇلقىشەۆ پەن مۇقان يمانجانوۆ ەسكەرتكىشتەرىنە گۇل شوقتارى قويىلدى.

اۋدانداعى « ۇلىتاۋ» ساپار ورتالىعىندا باۋبەك بۇلقىشەۆ­قا ارنالعان «تاۋ ۇلى» تاقىرىبىن­دا كور­مە ۇيىمداستىرىلدى. دوڭ­گە­لەك ۇستەل باسىندا باۋبەك بۇلقى­شەۆ­تىڭ ۇرپاعى, امان­گەلدى اۋىلى­نىڭ تۇرعىنى قانات باي­سال­بەكوۆ, ۇلىتاۋ تاريحي-ما­دەني جانە تابيعي قورىق-مۋزەيى­نىڭ باس­شىسى عالىم وسپانوۆ, ­اۋدان­دىق تاريحي-ولكەتانۋ مۋزەيى­­نىڭ قىزمەتكەرى نۇرسۇلۋ راي­مو­ۆا قالامگەردىڭ سوڭىندا قالعان مۇراسىن ارقاۋ ەتكەن بايانداما
جاسادى.

باۋبەك بۇلقىشەۆتىڭ ءومىرى مەن شىعارماشىلىعىنان بەينەروليك كورسەتىلدى.

ۇلىتاۋ وبلىسى