جەڭىلدەتىلگەن يپوتەكالارعا ءوتىنىم قابىلداۋ قاشان باستالادى؟

«ناۋرىز» باعدارلاماسى

ءوتىنىم قابىلداۋ ناۋرىز ايىنا جوسپارلانعان. پايىزدىق مولشەرلەمەسى:

• 7% – الەۋمەتتىك ساناتتار ءۇشىن,
• 9% – قالعان ازاماتتار ءۇشىن.

باستاپقى جارنا: 10% (اياقتالعان قۇرىلىس), 20% (بىتپەگەن قۇرىلىس ءۇشىن).

نەسيەنىڭ ەڭ كوپ سوماسى الماتى مەن استانادا – 36 ملن تەڭگە, وزگە وڭىرلەردە – 30 ملن تەڭگە. مەرزىمى – 19 جىل.

باعدارلاماعا قاتىسۋ ۇشىن سوڭعى 5 جىلدا تۇرعىن ءۇيىڭىز بولماۋى كەرەك. 6 ايلىق رەسمي تابىس پەن زەينەتاقى اۋدارىمدارى مىندەتتى جانە دەپوزيتتە كەمىندە 2 ملن تەڭگە بولۋى قاجەت.

«ۇماي» – ايەلدەرگە ارنالعان يپوتەكا

باعدارلاما جاقىن ۋاقىتتا ىسكە قوسىلادى. تەك ايەلدەر قاتىسا الادى. وتباسىلىق جاعدايى مەن ءۇيىنىڭ بار-جوعى ماڭىزدى ەمەس. مىندەتتى شارت – سوڭعى 6 ايدا رەسمي تابىستىڭ بولۋى.

پايىزدىق مولشەرلەمەسى – 15%, كەيىن 5-3,5%-عا تومەندەيدى. نەسيە 50 ملن تەڭگەگە دەيىن بەرىلەدى.
مەرزىمى – 25 جىل.

دەپۋتات الەۋمەتتىك وسال توپتاعى ازاماتتارعا يپوتەكا بەرۋ شارتتارىن جەڭىلدەتۋدى ۇسىندى

«الماتى جاستارى»

بۇل 35 جاسقا دەيىنگى جۇمىس ىستەيتىن جاستارعا ارنالعان باعدارلاما.

• مولشەرلەمە – 5%.
• باستاپقى جارنا – 10%.
• نەسيە: 20 ملن تگ-گە دەيىن.

باعدارلاما باسقا ايماقتاردا دا قولجەتىمدى.

«ناۋرىز اسكەري»

اسكەري جانە كۇشتىك قۇرىلىم قىزمەتكەرلەرىنە ارنالعان جاڭا باعدارلاما.

• مولشەرلەمە: 9%. 8 جىلدان كەيىن 5%-عا تۇسەدى.
• باستاپقى جارنا: 0-50%.
• نەسيە سوماسى: الماتى مەن استانادا – 36 ملن تەڭگە, باسقا وڭىرلەردە – 30 ملن تەڭگە.
• ەگەر جارنا 20%-دان اسسا, 80 ملن تەڭگەگە دەيىن الۋعا بولادى.

قازاقستاننىڭ يپوتەكالىق نارىعى: رەفورما الدىنداعى ءۇزىلىس