كادرلاردا ايگۇل سايلىباەۆانىڭ ەنەسى ناتاليا دونتسوۆا مەن الەكساندر دونتسوۆتىڭ ماسكەۋدە تۇرىپ جاتقانى جانە جۇمىس ىستەپ جۇرگەنى ايتىلادى. الەكساندر دونتسوۆتىڭ ءوزى قىلمىسقا ەش قاتىسى جوق ەكەنىن, وزىنە جالا جابىلعانىن جەتكىزەدى.
بۇعان دەيىن ولارعا رەسەي تەرگەۋ كوميتەتىنىڭ تەكسەرۋ جۇرگىزەتىنى جونىندە اقپارات تاراعان بولاتىن.
گەرمانياداعى سۋديانىڭ ءولىمى: قازاقستان ايگۇل سايلىباەۆانىڭ كۇيەۋى مەن ەنەسىنە ىزدەۋ جاريالادى
112 ارناسىنىڭ مالىمەتىنشە, 2 اقپاندا ناتاليا دونتسوۆا تەرگەۋشىلەرمەن بايلانىسۋدان باس تارتقان. ول رەسەي زاڭناماسىنداعى «ەشكىم وزىنە, جۇبايىنا نەمەسە جاقىن تۋىستارىنا قارسى كۋالىك بەرۋگە مىندەتتى ەمەس» دەگەن نورمانى پايدالانعان.
ەسكە سالايىق, ايگۇل سايلىباەۆا 2024 جىلعى 3-4 ماۋسىم ارالىعىندا حابارسىز كەتكەن. ال 16 ماۋسىمدا ونىڭ پىشاق جاراقاتتارى بار ءمايىتى قالا شەتىنەن پلاستيكالىق قاپشىققا سالىنعان كۇيدە تابىلعان.
قازاقستاندا سايلىباەۆانىڭ بۇرىنعى كۇيەۋى مەن ەنەسىنە ىزدەۋ جاريالاندى
مارقۇمنىڭ ادۆوكاتى جاننا مۇحامادي ايگۇل سايلىباەۆانىڭ جۇكتى بولعانىن مالىمدەدى. ونىڭ ايتۋىنشا, ەكس-سۋديا كۇيەۋى مەن ەنەسى تاراپىنان تۇرمىستىق زورلىق-زومبىلىققا ۇشىراعان. ايگۇل بۇل تۋرالى جاقىن قۇربىلارىنا ايتىپ, ۇرىپ-سوعۋ بەلگىلەرى كورىنەتىن فوتوسۋرەتتەردى جىبەرىپ وتىرعان.
وسى دەرەكتەرگە بايلانىستى قازاقستاندا «قيناۋ» بابى بويىنشا قىلمىستىق ءىس قوزعالعان.
