فوتو: اشىق دەرەككوز
ۇلتتىق بانك باسقارماسى «بانكارالىق ءموبيلدى تولەمدەر جۇيەسىنىڭ جۇمىس ىستەۋ قاعيدالارىن بەكىتۋ تۋرالى» قاۋلىنىڭ جوباسىن ازىرلەدى. قۇجاتتا جۇيە شەڭبەرىندە كورسەتىلەتىن سەرۆيستەردىڭ تۇرلەرى, تولەمدەر مەن اقشا اۋدارىمدارىن جۇزەگە اسىرۋ ءتارتىبى, سونداي-اق بانكتەر مەن وزگە دە قاتىسۋشىلاردى جۇيەگە قوسۋ تالاپتارى ناقتى ايقىندالعان.
جي ءموبيلدى اۋدارىمداردى تالداپ جاتىر
«وسى جۇيەنىڭ كومەگىمەن كليەنتتەر الۋشىنىڭ تەلەفون ءنومىرىن عانا بىلە وتىرىپ, اقشانى باسقا بانكتەرگە اۋدارا الادى. كاسىپكەرلەر ءۇشىن بانكارالىق QR-كودتى پايدالانا وتىرىپ تولەمدەردى قابىلداۋ كەزىندە ءارتۇرلى بانكتەردىڭ بىرنەشە POS-تەرمينالىن ورناتۋ قاجەتتىلىگى جويىلدى. سەرۆيس ساتىپ الۋشىلارعا باسقا بانكتەردىڭ پايداسىنا بانكارالىق QR-تولەمدەردى جۇزەگە اسىرۋعا مۇمكىندىك بەرەدى», دەلىنگەن حابارلامادا.
ءموبيلدى اۋدارىمدار: 2026 جىلدان باستاپ قانداي وزگەرىستەر ەنەدى؟
ۇلتتىق بانك وكىلدەرى اتالعان قاۋلى قابىلدانعان جاعدايدا قولما-قول اقشاسىز تولەمدەردىڭ ۇلەسى ارتىپ, بانكارالىق ەسەپ ايىرىسۋلاردىڭ جىلدامدىعى مەن قولجەتىمدىلىگى ەداۋىر جاقساراتىنىن اتاپ ءوتتى. بۇل ءوز كەزەگىندە ازاماتتار مەن بيزنەس ءۇشىن قارجىلىق وپەراتسيالاردى وڭايلاتىپ, تسيفرلى قىزمەتتەردى كەڭىنەن قولدانۋعا جول اشادى.
اتالعان قۇجات 19 اقپانعا دەيىن «اشىق نقا» پورتالىندا جاريالانىپ, قوعام تالقىسىنا ۇسىنىلعان.
