ەرمۇرات باپي رەفورمانىڭ العاشقى قادامدارىن ەسكە الدى.
«30 جىل بويى قالىپتاسقان, سىرەسكەن ساياسي رەجيمنىڭ سەڭى 2022 جىلعى رەفەرەندۋمنىڭ بارىسىندا سوگىلە باستالعانىنا ءمان بەرمەي ءجۇرمىز. سونداعى العاشقى رەفورمانىڭ ناتيجەسىندە بىرتە-بىرتە قالىپتاسقان قۇندىلىقتاردى باعالاي الماي جۇرگەن «سوزىلمالى قارسىلىق دەرتىمىز» ءوزىمىز اڭساپ كەلگەن كونستيتۋتسيالىق وزگەرىستەردى وگەي كورگەنىمىز تىپتەن تۇسىنىكسىز جاعداي بوپ تۇر», دەدى ول.
دەپۋتات قازىرگى قوعامداعى سىڭارجاق سىندارعا دا توقتالىپ, ازاماتتىق ۇستانىم مەن مەملەكەتتىك مۇددە تۇرعىسىنداعى سىننىڭ ماڭىزدى ەكەنىن اتاپ ءوتتى.
«ارينە, ازاماتتىق ۇستانىممەن جانە مەملەكەتتىك مۇددە تۇرعىسىندا ايتىلاتىن سىندارلى سىنعا شەكتەۋ بولماۋى ءتيىس. بىراق سونداي سىن ايتۋدىڭ مۇمكىندىگى قوعامدىق قۇندىلىق ەكەنىن تاعى دا باعالاي ءبىلۋىمىز كەرەك. نازارباەۆتىڭ زامانىندا دەموكراتيالىق دەمى ىشىندە تۇنشىعىپ, سۋىرىلىپ شىعا الماي جۇرگەن قوعامنىڭ تىعىنى سول قۇندىلىقتاردىڭ ارقاسىندا اعىتىلعانىن مويىنداۋىمىز كەرەك!», دەدى ەرمۇرات باپي.
دەپۋتاتتىڭ ايتۋىنشا, جاڭا كونستيتۋتسيانىڭ جوباسىنا قاتىستى ايتىلىپ جاتقان ءبىراز سىندارلى ءسوزدىڭ توركىنى تىلگە تىرەلىپ جاتىر. ۇلتتىق نامىسى سەلت ەتىپ ويانعان حالىقتىڭ تالابى تەرىس دەپ, ءۇزىلدى-كەسىلدى كەرەعار پىكىر ايتۋدىڭ ءجونى جوق. بۇل تاقىرىپتى جىلى جاۋىپ قويۋعا تاعى دا بولمايتىن ەدى.
«بىراق قازاقتا «باسقا پالە – تىلدەن» دەگەن تاعى ءبىر ءتامسىل بار. داۋىلى دۇلەي قازىرگى قاتقىل حالىقارالىق قاتىناستاردىڭ قورشاۋى مەن ءتارتىبى كۇن سايىن قىرىق قۇبىلعان گەوساياسي الەمدە ءبىز بۇل «پالەنىڭ» قاتەرىنەن ساقتانا ءبىلۋىمىز كەرەك. ءبىز اپەرباقان, اۋمەسەر الدەكىمدەرگە بىلەك كۇشىن بەزەيتىندەي ەل ەمەسپىز.
بىزدە مەملەكەتىمىزدىڭ تاۋەلسىزدىگى مەن جاسامپاز بولاشاعى ءۇشىن سىرتتاعى سوقتىقپالى-سوقپاقتى جولدى ديپلوماتيانىڭ دەمەۋىمەن جانە سىرباز ساياساتپەن ءجۇرىپ وتۋدەن باسقا التەرناتيۆا جوق! جالپىحالىقتىق تالقىلاۋعا ۇسىنىلعان جاڭا كونستيتۋتسيا جوباسىنىڭ جالپى ساياسي سيپاتىن سالاۋاتتى سارالاي بىلگەن ادام ونىڭ مازمۇنى مەن ماقساتى مەملەكەتتىلىكتى, قاۋىپسىزدىگىمىز بەن تاۋەلسىزدىكتىڭ تۇراقتىلىعىن كۇيتتەيتىن استارلى يشارانى تۇسىنسە كەرەك», دەدى دەپۋتات.
ەرمۇرات باپيدىڭ پىكىرىنشە, ۇلەس سالماعى 70 %-دان اسقان حالىق ءوزىنىڭ ءتىلىن وزگەگە وكتەمدىكپەن ەمەس, سارى مايعا ىستىق قاسىق باتىرعانداي بايىپپەن تاڭا ءبىلۋ – ءدال بۇگىن الدەقايدا ۇتىمدى ايلا بولار ەدى.
ء«تىلدى تەكەتىرەس پەن ەرەگەستىڭ قارۋىنا اينالدىرۋ بىزگە ءابۇيىر اپەرمەيدى. ءوزىنىڭ ءتىلىن وكتەمدىكپەن تىقپالاعان يمانسىز يدەيالار پايدا بولعان زاماندا, ەسەرمەن ەگەسۋ – ەستىنىڭ ءىسى بولمايدى. وسى ورايدا قىزىلوردا قۇرىلتايىندا پرەزيدەنت قاسىم-جومارت توقاەۆ ايتقان ءبىر ءسوز ساناعا ورالا بەرەدى: «قازاقستاننىڭ پاتريوتى بولۋ – ازاماتتىق جاۋاپكەرشىلىكتى تەرەڭ ءتۇسىنۋ دەگەن ءسوز. ۇلت مۇددەسىن جەلەۋ ەتىپ, بوس ايقايعا باساتىن, ودان قالدى ازاماتتارىمىزدىڭ وتانىمىزعا دەگەن شىنايى سۇيىسپەنشىلىگىن ساياسي ۇپاي جيناۋعا پايدالانعىسى كەلەتىن تەرىس پيعىلدى ادامداردىڭ بىزگە قاجەتى جوق», دەگەن ەدى پرەزيدەنت», دەدى ءماجىلىس دەپۋتاتى.
الەۋمەتتىك جەلىلەردە كونستيتۋتسيالىق وزگەرىستەر تۋرالى جالعان اقپارات تارالۋىنا ەرەكشە نازار اۋدارىلدى. ەرمۇرات باپي بايانداماسىندا مەملەكەت باسشىسى قاسىم-جومارت توقاەۆتىڭ «قازاقستاننىڭ پاتريوتى بولۋ – ازاماتتىق جاۋاپكەرشىلىكتى تەرەڭ ءتۇسىنۋ دەگەن ءسوز. ۇلت مۇددەسىن جەلەۋ ەتىپ, بوس ايقايعا باساتىن, ودان قالدى ازاماتتارىمىزدىڭ وتانىمىزعا دەگەن شىنايى سۇيىسپەنشىلىگىن ساياسي ۇپاي جيناۋعا پايدالانعىسى كەلەتىن تەرىس پيعىلدى ادامداردىڭ بىزگە قاجەتى جوق», دەگەن ءسوزىن مىسالعا كەلتىردى.
ماقسات تولىقباي: جاڭا اتا زاڭنىڭ قازاق تىلىندەگى نۇسقاسى تولىقتاي قايتا جازىلدى
دەپۋتات سىرتقى قاۋىپتەرگە دە توقتالدى.
«ساۋدا سوعىسى مەن الەم كارتاسىن بولىستەرگە سالا باستاعان قاتەرلەر قاۋلاعان زاماندا, قازاقستان مەن ونىڭ سىرتىنداعى رەالدى باعالاي, باعامداي الماعان ساياسي كورسوقىرلىق ءبىزدى ورنى تولماس وكىنىشتەرگە تاپ قىلۋى مۇمكىن», دەدى ءماجىلىس دەپۋتاتى.
ول جاڭا كونستيتۋتسيا جوباسىنىڭ نەگىزگى ماقساتى – مەملەكەتتىلىكتى, قاۋىپسىزدىكتى جانە تاۋەلسىزدىكتى ساقتاۋ ەكەنىن اتاپ ءوتتى.
الەۋمەتتىك الاڭداردا ەكس-پرەزيدەنتكە قاتىستى تۋىنداعان كۇماندەرگە دە جاۋاپ بەرىلدى. «وسى باپتىڭ ەرەجەلەرى قازاقستان رەسپۋبليكاسىنىڭ ەكس-پرەزيدەنتىنە دە قولدانىلادى» دەگەن تىركەستەن قوعامدا قاتە تۇسىنىك قالىپتاسقانىمەن, دەپۋتات اتاپ وتكەندەي, «پرەزيدەنتتىڭ وتباسى مۇشەلەرى مەن ونىڭ جاقىن تۋىستارىنا مەملەكەتتىك قىزمەت اتقارۋعا بولمايدى» دەگەن تالاپ 2022 جىلعى كونستيتۋتسيالىق زاڭمەن بەكىتىلگەن.
ن.اۋەسباەۆ: جاڭا كونستيتۋتسيادا پرەزيدەنت وكىلەتتىلىگى ءبىر رەت قانا 7 جىلدىق مەرزىمگە بەكىتىلەدى
ەرمۇرات باپي ەلدىڭ تۇتاستىعىن, قاۋىپسىزدىگى مەن ەگەمەندىگىن قامتاماسىز ەتۋ – ءاربىر ازاماتتىڭ مىندەتى بولۋى كەرەك ەكەنىن ايتتى.
«تاۋەلسىزدىك دەگەنىمىز – ەڭ الدىمەن, جالپىۇلتتىق بىرلىك پەن كەلىسىم. ءبىز ەل بىرلىگىن ساقتاپ, ءوسىپ-وركەندەگەن, ابىروي-بەدەلى جوعارى ءارى قۋاتتى مەملەكەت قۇرۋدى باستى مىندەتىمىز دەپ ساناۋىمىز قاجەت. وسى ماقساتقا ستراتەگيالىق تۇرعىدان قاراپ, وتاندىق قوعام بيلىكپەن سالاۋاتتى جانە ساليقالى مامىلە جۇرگىزۋ دەڭگەيىنە جەتكەنىن كورسەتۋى كەرەك», دەدى دەپۋتات.
ەربولات ساۋرىقوۆ: اتا زاڭ زياتكەرلىك مەنشىك قۇقىقتارىن قورعاۋدى كۇشەيتەدى
