فوتو: Instagram, @ussabrahamlincolnofficial
اقش قارۋلى كۇشتەرى ورتالىق قولباسشىلىعىنىڭ وكىلى, اسكەري-تەڭىز كۇشتەرىنىڭ كاپيتانى تيم حوكينستىڭ مالىمدەۋىنشە, درون Abraham Lincoln اۋە تاسىمالداشى كەمەسىنە قاراي ۇشقان. ول F-35C جويعىش ۇشاعى ارقىلى جويىلعان.
وقيعا سالدارىنان بىردە-ءبىر امەريكالىق اسكەري قىزمەتكەر زارداپ شەكپەگەنى جانە اسكەري تەحنيكاعا زاقىم كەلمەگەنى اتاپ ءوتىلدى.
ايتا كەتەرلىگى, بۇل وقيعا ۆاشينگتون مەن تەگەران اراسىنداعى يادرولىق كەلىسسوزدەردى ۇيىمداستىرۋ تالپىنىستارى ءجۇرىپ جاتقان ساتتە بولعان.
اقش يرانعا ەسكەرتۋ جاسادى: ترامپتىڭ يادرولىق مامىلەسى ورىندالا ما؟
بۇعان دەيىن اقش پرەزيدەنتى دونالد ترامپ ايماققا امەريكالىق كەمەلەردىڭ «ارماداسى» جىبەرىلەتىنىن مالىمدەگەن ەدى. ول يراندى يادرولىق كەلىسىمگە كەلۋگە شاقىرىپ, ايتپەسە جاڭا ءارى قۋاتتى سوققىمەن قورقىتقان.
2025 جىلدىڭ جەلتوقسان ايىنىڭ سوڭىندا يراندا ەكونوميكالىق قيىندىقتارعا بايلانىستى جاپپاي نارازىلىق اكتسيالارى باستالدى. Time جۋرنالىنىڭ زەرتتەۋ دەرەكتەرىنە سايكەس, تەك 8-9 قاڭتار كۇندەرى يراندا 30 مىڭعا دەيىن ادام قازا تاپقان بولۋى مۇمكىن. ال ەل باسشىلىعى 3117 ادامنىڭ قازا تاپقانىن رەسمي تۇردە مويىنداعان.
