كوميسسيا وتىرىسىندا ءسوز العان قازاقستاننىڭ ستراتەگيالىق زەرتتەۋلەر ينستيتۋتى ديرەكتورى جاندوس شايماردانوۆ كونستيتۋتسيا جوباسىندا بۇل ماسەلە انىق ءارى ەكىۇشتى تۇسىندىرمەگە جول بەرمەيتىندەي تۇردە جازىلعانىن ايتتى. ونىڭ ايتۋىنشا, تالقىلاۋ بارىسىندا بىرقاتار ازامات مەملەكەتتىك ءتىلدىڭ كونستيتۋتسيالىق مارتەبەسىنە قاتىستى الاڭداۋشىلىق بىلدىرگەن.
جاڭا اتا زاڭنىڭ جوباسىندا قانداي مىزعىماس قاعيداتتار بەكىتىلدى؟
«جاڭا كونستيتۋتسيا جوباسىندا قازاق ءتىلى مەملەكەتتىك ءتىل رەتىندە ناقتى بەكىتىلگەن. بۇل نورما ەشقانداي كۇمان تۋدىرمايدى», دەدى جاندوس شايماردانوۆ.
ساراپشىنىڭ سوزىنشە, قازىرگى تالقىلاۋلار قوعامنىڭ اتا زاڭعا دەگەن جاۋاپكەرشىلىگى ارتقانىن كورسەتەدى. مەملەكەتتىك ءتىلدىڭ مارتەبەسىن ايقىنداۋ – تەك قۇقىقتىق نورما عانا ەمەس, ەلدىڭ بولاشاق دامۋ باعىتىن ايقىندايتىن قۇندىلىقتىق تاڭداۋ. وسى تۇرعىدان العاندا, جاڭا كونستيتۋتسيا جوباسىندا قازاق ءتىلىنىڭ مەملەكەتتىك ءتىل رەتىندەگى ورنى بۇرىنعىدان دا انىق ءارى ناقتى كورسەتىلگەن.
قازاقستاننىڭ ساياسي پارتيالارى جاڭا كونستيتۋتسيانىڭ جوباسىن تالقىلادى
كوميسسيا جۇمىسى بارىسىندا كونستيتۋتسيانىڭ وزگە دە ماڭىزدى باپتارى تالقىلانىپ, قوعامنان كەلىپ تۇسكەن ۇسىنىستار ەسكەرىلىپ جاتىر. بۇل ۇدەرىس نەگىزگى زاڭنىڭ قوعامدىق كەلىسىم مەن ۇلتتىق بىرەگەيلىكتى نىعايتۋداعى ءرولىن كۇشەيتۋگە باعىتتالعان.
