ازىق-ت ۇلىك: باعا ءوسىمى باياۋلادى, بىراق قىسىم جوعارى
جىلدىق ەسەپتە ازىق-ت ۇلىك باعاسى 12,9%-عا ءوستى, ال جەلتوقساندا بۇل كورسەتكىش 13,5% بولعان. جالپى ينفلياتسياعا قوسقان ۇلەسى 5,4%-دى قۇرادى.
- ەت پەن قۇس ەتى ءبىر جىلدا 23%-عا قىمباتتاپ, ەڭ جوعارى ءوسىم تىركەلدى.
- شۇجىق ونىمدەرىنىڭ باعاسى 19%-عا, الكوگولسىز سۋسىندار 16,8%-عا ارتتى.
- كوكونىس باعاسى 2,7%-عا تومەندەپ, ازىق-ت ۇلىك سەبەتىندەگى جالپى ءوسىمدى ءىشىنارا تەجەدى.
ازىق-ت ۇلىككە جاتپايتىن تاۋارلار
ازىق-ت ۇلىككە جاتپايتىن تاۋارلار باعاسى جىلدىق ماندە 11,7%-عا ءوستى. بۇل جەلتوقسانداعى 11,1%-دان جوعارى. اقىلى قىزمەتتەر قۇنى 12%-عا قىمباتتاپ, الدىڭعى ايداعى دەڭگەيىن ساقتادى.
نەگىزگى ءوسىم تۇرعىن ءۇي-كوممۋنالدىق سەكتور مەن تۇرعىن ءۇيدى جالعا الۋ نارىعىنا تيەسىلى:
- باللونداعى سۇيىتىلعان گاز باعاسى − 24,7%;
- سۋ بۇرۋ قىزمەتى − 18,7%;
- تۇرعىن ءۇيدى جالعا الۋ اقىسى − 12,3%;
- بەنزين − 16,8 پايىز;
- سۋىق سۋ ءتاريفى −12,9%-عا تومەندەگەنىمەن, بۇل جالپى تولەمدەر ءوسىمىن وتەي المادى.
ايلىق كورسەتكىشتەر قاڭتارداعى ينفلياتسيانىڭ بۇرىنعى جىلداردان وزگەشە ەكەنىن كورسەتتى. ءبىر ايدا ازىق-ت ۇلىك باعاسى 0,8%-عا, ازىق-ت ۇلىككە جاتپايتىن تاۋارلار 1,2%-عا, اقىلى قىزمەتتەر 1,1%-عا ءوستى. الدىڭعى جىلدارى قاڭتاردا باعا ءوسىمىن كوبىنە ازىق-ت ۇلىك ايقىنداسا, بيىل قىسىم ونەركاسىپ تاۋارلارى, جانارماي جانە قىزمەت كورسەتۋ سالاسىنا اۋىستى. بۇل ينفلياتسيالىق ۇدەرىستەردىڭ قۇرىلىمى كۇردەلەنىپ, تۇراقتى سيپات الىپ بارا جاتقانىن بىلدىرەدى.
ەكونوميست رۋسلان سۇلتانوۆ جىلدىق ينفلياتسيا باسەڭدەگەنىمەن, ايلىق ءوسىمنىڭ نەگە جەدەلدەگەنىن ءتۇسىندىردى.
«بۇل جەردە 2025 جىلدىڭ سوڭىنداعى بازا اسەرى بار جانە قىزمەت كورسەتۋ سالاسىندا جىلدىق ەسەپتە سالقىنداۋ جالعاسىپ كەلەدى. ال قاڭتار ايىندا كۇنتىزبەلىك قايتا ەسەپتەۋلەر مەن يندەكساتسيالار جۇرەدى, سونىڭ سالدارىنان ازىق-ت ۇلىككە جاتپايتىن تاۋارلار مەن سەرۆيستىك سەگمەنتتە ايلىق ءوسىم بايقالادى», دەدى ساراپشى.
ونىڭ ايتۋىنشا, ايلىق ينفلياتسياعا نەگىزگى ۇلەستى ازىق-ت ۇلىككە جاتپايتىن تاۋارلار مەن قىزمەتتەر قوستى.
«بۇل – جىلدىڭ باسىنداعى باعا تۇزەتۋلەرى. ال ازىق-ت ۇلىك باعاسى ايتارلىقتاي شوكسىز, قالىپتى ءوستى. جىلدىق كەسكىندە قىسىم ءالى دە ازىق-ت ۇلىك پەن كولىك تاراپىنان بولىپ وتىر, ونى كەيبىر كوممۋنالدىق قىزمەتتەردىڭ ارزانداۋى عانا ءىشىنارا جۇمسارتىپ وتىر», دەپ ناقتىلادى ول.
