جالعان اقپاراتقا قارسى ءىس-قيمىل ورتالىعى قازاقستان رەسپۋبليكاسىنىڭ جاڭا كونستيتۋتسياسى جوباسىنىڭ ماتىنىندە شەتەلدىكتەرگە جەر ساتۋعا تىيىم سالۋ الىنىپ تاستالدى دەگەن جالعان اقپاراتتىڭ تارالۋىن تىركەپ وتىر.
ورتالىق اتالعان اقپاراتتىڭ شىندىققا سايكەس كەلمەيتىنىن جانە فاكتىلەردى بۇرمالاۋ بولىپ تابىلاتىنىن مالىمدەدى.
قازاقستان رەسپۋبليكاسىنىڭ قولدانىستاعى كونستيتۋتسياسىنىڭ 6-بابى 3-تارماعىنا سايكەس «جەر جəنە ونىڭ قويناۋى, سۋ كوزدەرى, وسىمدىكتەر مەن جانۋارلار دۇنيەسى, باسقا دا تابيعي رەسۋرستار» جونىندەگى تۇجىرىم جاڭا قازاقستان رەسپۋبليكاسىنىڭ كونستيتۋتسياسى جوباسىنداعى تۇجىرىممەن بىردەي جانە قانداي دا ءبىر وزگەرىستەرگە ۇشىراعان جوق.
كونستيتۋتسيالىق رەفورما جونىندەگى كوميسسيا اتالعان نورمالار وزگەرىسسىز قالۋعا ءتيىس ەكەنىن راستادى. بۇدان بولەك, ەگەر بۇرىن مەملەكەتتىڭ تۇتاستىعى مەن ۋنيتارلىعى ماسەلەلەرىنە قاتىستى ەرەجەلەر قورىتىندى جانە وتپەلى قاعيدالاردا قامتىلعان بولسا, جاڭا كونستيتۋتسيا جوباسىندا ولار كونستيتۋتسيالىق قۇرىلىستىڭ نەگىزدەرى رەتىندە باستاپقى تاراۋلاردا بەكىتىلگەن. بۇل مەملەكەتتىڭ اۋماقتىق تۇتاستىعى مەن بازالىق قاعيداتتارىنىڭ وزگەرمەيتىندىگىنە بەرىلەتىن قۇقىقتىق كەپىلدىكتەردى ەداۋىر كۇشەيتەدى.
2026 جىلعى 30 قاڭتارداعى قازاقستان رەسپۋبليكاسىنىڭ جاڭا كونستيتۋتسياسى جوباسىنىڭ 2-بابى:
2-ت. قازاقستان رەسپۋبليكاسىنىڭ ەگەمەندىگى ونىڭ بۇكىل اۋماعىن قامتيدى. مەملەكەت ءوز اۋماعىنىڭ تۇتاستىعىن, بولىنبەۋىن, وعان قول سۇعىلماۋىن قامتاماسىز ەتەدى.
6-ت. قازاقستان رەسپۋبليكاسىنىڭ ەگەمەندىگى, تاۋەلسىزدىگى, ۋنيتارلىعى, اۋماقتىق تۇتاستىعى مەن باسقارۋ ۇلگىسى وزگەرمەيدى.
وسىلايشا, شەتەلدىكتەرگە جەر ساتۋعا تىيىم سالۋدىڭ كۇشىن جويۋ تۋرالى مالىمدەمەلەردىڭ قۇقىقتىق نەگىزى جوق جانە ازاماتتاردى جاڭىلىستىرادى.
سونىمەن قاتار جالعان اقپاراتقا قارسى ءىس-قيمىل ورتالىعى فاكتىلەردى ادەيى بۇرمالاۋ جانە مانيپۋلياتسيالىق اقپاراتتى تاراتۋ قۇقىقتىق سالدارعا اكەلۋى مۇمكىن ەكەنىن ەسكە سالادى. ازاماتتار مەن مەديا قاۋىمداستىق وكىلدەرىن مالىمەتتەردى رەسمي دەرەككوزدەردەن تەكسەرۋگە, سونداي-اق دەسترۋكتيۆتى جانە مانيپۋلياتسيالىق تۇسىندىرمەلەردىڭ تارالۋىنا جول بەرمەۋگە شاقىرادى.
ايتا كەتەيىك, بۇعان دەيىن ادىلەت ءمينيسترى ەرلان سارسەمباەۆ ەلىمىزدىڭ سولتۇستىك وڭىرلەرىنە ەرەكشە قۇقىقتىق مارتەبە بەرۋدى ۇسىندى دەگەن اقپاراتتىڭ جالعان ەكەنى انىقتالعان ەدى.
