ايەلدەر اراسىنداعى جەكەلەي سىندا وتكەن شەشۋشى ماتچتا ەلەنا رىباكينا بەلارۋستىك ۇزدىك تەننيسشىسى ارينا سوبولەنكومەن كەزدەستى.
العاشقى سەت رىباكينانىڭ پايداسىنا شەشىلدى. ول 37-مينۋتتا 6:4 ەسەبىمەن جەڭىسكە جەتتى. بۇل پارتيا سوبولەنكو ءۇشىن قازىرگى Australian Open تۋرنيرىندە جانە جالپى ماۋسىمداعى العاشقى جەڭىلىس بولدى.
ەكىنشى سەتتە سوبولەنكو ءدال وسىنداي ەسەپپەن (6:4) باسىم ءتۇسىپ, قارىمتا قايتاردى. بۇل پارتيا 50 مينۋتقا سوزىلىپ, Australian Open-2026 تۋرنيرىندە رىباكينا ءۇشىن العاشقى ۇتىلعان سەت رەتىندە تىركەلدى.
ەلىمىزدىڭ ۇزدىك تەننيسشىسى Australian Open تۋرنيرىندە قانشا تابىس تاپتى؟
ءۇشىنشى سەت اسا تارتىستى ءوتتى. سوبولەنكو 3:0 ەسەبىمەن العا شىققانىمەن, رىباكينا قاتارىنان بەس ويىن ۇتىپ, ەسەپتى 5:3-كە جەتكىزدى. دەگەنمەن, بەلارۋستىك تەننيسشى ەسەپتى 4:5-كە دەيىن قىسقارتتى.
سوڭعى سەت رىباكينانىڭ ەنشىسىندە قالدى. ەسەپ 6:4. قورىتىندى سەت 51 مينۋتقا, ال بۇكىل ماتچ 2 ساعات 19 مينۋتقا سوزىلدى.
وسىلايشا, ەلەنا رىباكينا Australian Open ءتۋرنيرىنىڭ چەمپيونى اتانعان قازاقستان تاريحىنداعى العاشقى تەننيسشى بولدى.
ەسكە سالا كەتەيىك, بۇعان دەيىن رىباكينا «ۇلكەن دۋلىعا» تۋرنيرىندە تەك ءبىر رەت جەڭىسكە جەتكەن – 2022 جىلى ۋيمبلدوندا. ال اۋستراليانىڭ اشىق چەمپيوناتىندا 2023 جىلى فينالدا ويناپ, ءدال وسى سوبولەنكودان جەڭىلگەن ەدى.
بيىلعى Australian Open ءتۋرنيرىنىڭ جالپى جۇلدە قورى 74,9 ميلليون دوللاردى قۇرايدى, بۇل ونى الەمدىك كۇنتىزبەدەگى ەڭ تابىستى تۋرنيرلەردىڭ بىرىنە اينالدىرادى.
ايەلدەر اراسىنداعى جەكەلەي سىندا جەڭىسكە جەتكەن سپورتشى 2 793 365 دوللار كولەمىندە جۇلدە قارجىسىن جانە WTA رەيتينگىندە 2000 ۇپاي الادى.
