وتىرىسقا قاتىسۋشىلاردى قۇتتىقتاعان سەنات توراعاسى ماۋلەن اشىمباەۆ مەملەكەت باسشىسى باستاماشى بولعان اۋقىمدى كونستيتۋتسيالىق وزگەرىستەر قوعامنىڭ ساياسي جۇيەنى جاڭارتۋعا دەگەن سۇرانىسىنان تۋىنداعانىن اتاپ ءوتتى. ونىڭ ايتۋىنشا, بۇل جەكەلەگەن تۇزەتۋلەرمەن شەكتەلمەيتىن, مەملەكەتتىك مودەلدىڭ مازمۇنى مەن جۇمىس ىستەۋ قاعيداتتارىن تەرەڭ قايتا قاراۋدى كوزدەيتىن جۇيەلى رەفورما.
«پرەزيدەنت قاسىم-جومارت كەمەل ۇلى توقاەۆ ۇلتتىق قۇرىلتايدىڭ سوڭعى وتىرىسىندا كەڭ اۋقىمدى كونستيتۋتسيالىق رەفورمالار تۋرالى ايتتى. ەگەر بۇل وزگەرىستەر حالىق تاراپىنان قولداۋ تاپسا, ەلىمىزدە مەملەكەتتىك قۇرىلىمنىڭ دامۋىنىڭ جاڭا كەزەڭى باستالادى. بۇل – تەك جەكەلەگەن تۇزەتۋلەر ەمەس, ساياسي جۇيەنى زامان تالاپتارىنا بەيىمدەۋ ارقىلى تۇبەگەيلى جاڭعىرتۋ», دەدى ماۋلەن اشىمباەۆ.
سەنات توراعاسى: كونستيتۋتسيالىق رەفورما – مەملەكەت قۇرىلىسىن دامىتۋدىڭ جاڭا كەزەڭى
سەنات سپيكەرى رەفورمانىڭ كەشەندى سيپاتقا يە ەكەنىن جانە كونستيتۋتسيانىڭ شامامەن 80 نورماسىن, ياعني نەگىزگى زاڭ مازمۇنىنىڭ 84 پايىزىن قامتيتىنىن ايتتى. نەگىزگى باعىتتاردىڭ قاتارىندا پارلامەنتتىڭ وكىلەتتىگىن كەڭەيتۋ, زاڭ شىعارۋ ۇدەرىسىن وڭتايلاندىرۋ, دەپۋتاتتاردىڭ دەربەستىگىن ارتتىرۋ, پارتيالىق جۇيەنى دامىتۋ جانە ساياسي باسەكەلەستىكتى كۇشەيتۋ بار.
سونىمەن قاتار رەفورما اياسىندا مەملەكەت پەن قوعام اراسىنداعى ديالوگ پەن قوعامدىق كەلىسىم ينستيتۋتى رەتىندە حالىق كەڭەسىن قۇرۋ ۇسىنىلعان. كەڭەسكە زاڭنامالىق باستاما قۇقىعىن بەرۋ ونىڭ جۇمىسىن مازمۇندى ەتپەك. سونداي-اق كونستيتۋتسيا پرەامبۋلاسىن جاڭارتۋ, ۆيتسە-پرەزيدەنت لاۋازىمىن ەنگىزۋ جانە ادىلەتتى قازاقستان قۇرۋدى ەڭ جوعارى ماقسات رەتىندە بەكىتۋ كوزدەلىپ وتىر.
«قازاقستان ۇلتتىق جاڭعىرۋ كەزەڭىن باستان وتكەرىپ جاتىر. وسى تاريحي ساتتە زيالى قاۋىم مەن ساراپشىلارعا ەرەكشە جاۋاپكەرشىلىك جۇكتەلەدى. كونستيتۋتسيالىق رەفورمالاردىڭ تۇپكى ماقساتى – مەملەكەتتىلىك پەن تاۋەلسىزدىكتى نىعايتۋ», دەپ تۇيىندەدى ماۋلەن اشىمباەۆ.
ماۋلەن اشىمباەۆ: پرەزيدەنت رەفورمالارىنىڭ ماقساتى – مەملەكەتتىلىك پەن تاۋەلسىزدىكتى نىعايتۋ
ديالوگ الاڭىنىڭ جۇمىسىنا سەناتورلارمەن قاتار قوعام قايراتكەرلەرى مەن ساراپشىلار, اتاپ ايتقاندا, قويشىعارا سالعارا ۇلى, جامالادەن يبراگيموۆ, ەرلان سايلاۋباي, ديحان كامزابەك ۇلى, شولپان سايموۆا, سەرىك ورازعاليەۆ جانە وزگە دە ماماندار قاتىستى.
