كەلىسسوزدىڭ نەگىزگى ماقساتى – وسكەمەن مەن ءۇرىمشى قالالارى اراسىندا تىكەلەي اۋە رەيسىن اشۋ مۇمكىندىگىن قاراستىرۋ.
«اتالعان باستاما ءوڭىردىڭ كولىك-لوگيستيكالىق قولجەتىمدىلىگىن ارتتىرۋعا باعىتتالعان ماڭىزدى قادام بولىپ سانالادى. تىكەلەي اۋە قاتىناسىنىڭ ىسكە قوسىلۋى شىعىس قازاقستاننىڭ تۋريستىك الەۋەتىن ارتتىرىپ, ترانسشەكارالىق ءتۋريزمدى دامىتۋعا سەرپىن بەرەدى. سونىمەن قاتار, ىسكەرلىك بايلانىستاردى كەڭەيتىپ, ينۆەستيتسيالىق جانە ساۋدا-ەكونوميكالىق ىنتىماقتاستىقتى نىعايتۋعا جول اشادى», دەلىنگەن «ەرتىس» اكك» اق حابارلاماسىندا.
سالا ماماندارىنىڭ ايتۋىنشا, جاڭا اۋە باعىتى ەكسپورتقا باعىتتالعان ءوڭىر كاسىپورىندارى ءۇشىن لوگيستيكالىق شىعىنداردى ازايتىپ, جەتكىزۋ مەرزىمىن وڭتايلاندىرۋعا جانە جاڭا نارىقتارعا شىعۋعا مۇمكىندىك بەرەدى.
