فوتو: قورعانىس مينيسترلىگى
قارۋلى كۇشتەردىڭ اسكەري توپوگرافتارى اۆتوماتتاندىرىلعان جۇيەلەر مەن ۇشولشەمدى مودەلدەۋ تەحنولوگيالارىن بەلسەندى تۇردە ەنگىزىپ, تسيفرلى ۇرىس الاڭىن جاساقتايدى. ولار اسكەردى جەر بەدەرى تۋرالى ناقتى ءارى سەنىمدى اقپاراتپەن قامتاماسىز ەتەدى. وقۋ-جاتتىعۋلار مەن كۇندەلىكتى قىزمەت بارىسىندا قولدانىلاتىن توپوگرافيالىق, تەڭىز جانە ارنايى كارتالاردى, سونداي-اق قالا جوسپارلارىن دايىنداۋ دا اسكەري توپوگرافتاردىڭ مىندەتىنە ەنەدى.
ناقتى ۋاقىت رەجيمىندەگى اۆتوماتتاندىرۋ جۇيەلەرىن ەنگىزۋ اسا ماڭىزدى اقپاراتتى جەتكىزۋ مەرزىمىن ەداۋىر قىسقارتۋعا مۇمكىندىك بەرىپ وتىر. جەر بەدەرى تۋرالى تسيفرلى دەرەكتەر قارۋلى كۇشتەردىڭ بارلىق ءتۇرى مەن اسكەر تەكتەرى باسقارۋ جۇيەلەرىمەن جەدەل بىرىكتىرىلىپ, نىسانالاردى انىقتاۋعا, مىندەتتەر قويۋعا جانە اسكەر مەن تەحنيكانىڭ جاي-كۇيىن باقىلاۋعا جاعداي جاسايدى.
«اشىق ەسىك» كۇنى: اتا-انالار اسكەردەگى ۇلدارىنىڭ جاعدايىمەن تانىسا الادى
دامۋدىڭ ماڭىزدى كەزەڭى رەتىندە ۆيرتۋالدى شىندىق تەحنولوگيالارىن قولدانۋ جانە وبەكتىلەردىڭ ۇشولشەمدى مودەلدەرىن جاساۋ. بۇل شەشىمدەر باسقارۋ ورگاندارىنا جاعدايدى قاشىقتان جان-جاقتى تالداۋعا مۇمكىندىك بەرىپ, اسىرەسە قالالىق قۇرىلىس جاعدايىندا ءىس-قيمىلداردى ءدال جوسپارلاۋعا ۇلەس قوسادى.
«2025 جىلدان باستاپ توپوگرافيالىق قىزمەت ماماندارى ناقتى كوورديناتتارى بار تۇراقتى گەودەزيالىق پۋنكتتەر جيىنتىعىنان تۇراتىن ارنايى گەودەزيالىق جەلىلەردى قالپىنا كەلتىرۋ جانە دامىتۋ جۇمىستارىن باستادى. مۇنداي كەڭىستىكتىك نەگىز جوعارى دالدىكتى قارۋدى نىساناعا الۋ جانە بولىمشەلەردىڭ ءىس-قيمىلىن ءتيىمدى ۇيلەستىرۋ ءۇشىن قاجەت», دەلىنگەن قورعانىس مينيسترلىگى تاراتقان حابارلامادا.
66 كادەت قىزىلشا جۇقتىردى: كوكشەتاۋداعى اسكەري كوللەدجدە كارانتين ەنگىزىلدى
ايتا كەتەيىۋ, اسكەري توپوگرافتاردىڭ كاسىبيلىگى زاماناۋي تسيفرلى تەحنولوگيالارمەن ۇشتاسىپ, ۇرىس الاڭىنىڭ سەنىمدى نەگىزىن قالىپتاستىرىپ, اسكەردىڭ ءىس-قيمىلىنداعى دالدىك, ۇيلەسىمدىلىك پەن قاۋىپسىزدىكتى ارتتىرۋعا ىقپال ەتەدى.
