فوتو: istockphoto.com
وقىس وقيعا تۋرالى بالانىڭ اكەسى, كاسىپكەر قانات امىركين مالىمدەدى. ونىڭ ايتۋىنشا, مەكتەپتەگى بۋللينگ – قايعىلى جاعدايعا باستى سەبەپ بولعان.
«قىزىمدى اۋرۋحاناعا الىپ كەتتى, مەكتەپتە وزىنە قول جۇمساماق بولعان. ەگەر بالا ساباققا دۇرىس جاۋاپ بەرمەسە, بۇكىل سىنىپ ونى مازاقتاپ, كەلەكە ەتەدى ەكەن. ال مۇعالىم بۇعان توسقاۋىل قويماعان», دەپ جازدى ول Facebook پاراقشاسىندا.
بالالاردىڭ قۇقىقتارىن قورعاۋ كوميتەتىنىڭ حابارلاۋىنشا, وقيعا ورنىنا پسيحولوگيالىق قولداۋ ورتالىعىنىڭ ءموبيلدى توبى مەن ءبىلىم باسقارماسىنىڭ وكىلدەرى باردى. زارداپ شەككەن بالاعا جەكە پسيحولوگيالىق كومەك كورسەتىلمەك.
«مەكتەپ اكىمشىلىگىنە پەداگوگتارمەن پروفيلاكتيكالىق جۇمىس جۇرگىزۋ جانە بالالار اراسىنداعى سۋيتسيدتىك مىنەز-ق ۇلىقتى ەرتە انىقتاۋ بويىنشا ۇسىنىستار بەرىلدى. جاعداي قۇزىرلى ورگانداردىڭ باقىلاۋىندا», دەلىنگەن حابارلامادا.
ال QSI مەكتەبى بۇل جاعدايعا قاتىستى رەسمي پىكىر بىلدىرۋدەن باس تارتقان.
