فوتو: BuldingTESH
ماسكتىڭ سوزىنشە, Optimus جاي عانا تەحنيكا ەمەس, ادامنىڭ كۇندەلىكتى تىرشىلىگىنە كومەكتەسەتىن اقىلدى كومەكشى بولادى. ياعني, ول ءۇي شارۋاسىنا كومەكتەسىپ, ءتۇرلى تاپسىرمانى ورىنداي الادى. الايدا روبوتتىڭ ناقتى باعاسى ازىرگە جاريالانعان جوق.
استانادا قوعامدىق ورىندارداعى ءتارتىپتى روبوت-يت قاداعالايدى
دەگەنمەن ماسك بۇل ۋادەنى ناقتى بەكىتىپ وتىرعان جوق. ول Tesla روبوتتاردى تەك تولىق دايىن, قاۋىپسىز ءارى تۇراقتى جۇمىس ىستەيتىنىنە كوز جەتكىزگەن كەزدە عانا ساتىلىمعا شىعاراتىنىن اتاپ ءوتتى. سول سەبەپتى كەيبىر ساراپشىلار مەن Engadget باسىلىمىنىڭ جۋرناليستەرى كومپانيا الداعى 2 جىلدا روبوتتاردى نارىققا شىعارا قويادى دەپ سەنبەي وتىر. ويتكەنى مۇنداي تەحنولوگيادا كۇتپەگەن قيىندىقتار ءجيى كەزدەسەدى.
ايتا كەتەيىك, 2024 جىلدىڭ ورتاسىندا يلون ماسك ينۆەستورلارمەن كەزدەسۋدە Optimus روبوتتارىنىڭ باعاسى شامامەن 10 مىڭنان 20 مىڭ دوللارعا دەيىن بولۋى مۇمكىن ەكەنىن ايتقان.
