فوتو: قارجى مونيتورينگ اگەنتتىگى
ونىڭ ايتۋىنشا, رەفورمانىڭ باستى ناتيجەسى ساتىپ الۋ راسىمدەرىنىڭ مەرزىمىن تۇبەگەيلى قىسقارتۋ جانە ارتىق بيۋروكراتيالىق كەدەرگىلەردى جويۋ بولدى.
«وتكەن جىلدىڭ 1 قاڭتارىنان باستاپ ەلىمىزدە مەملەكەتتىك ساتىپ الۋلار تۋرالى جاڭا زاڭ كۇشىنە ەندى. بۇل زاڭ ساتىپ الۋ راسىمدەرىن جەدەلدەتۋ, ساتىپ الىناتىن تاۋارلاردىڭ, جۇمىستار مەن كورسەتىلەتىن قىزمەتتەردىڭ ساپاسىن ارتتىرۋ, سونداي-اق ساتىپ الۋ پروتسەستەرىن ودان ءارى اۆتوماتتاندىرۋ باعىتىندا ماڭىزدى بەتبۇرىس بولدى», دەدى ول.
رەفورمانىڭ باستى ەلەمەنتى – رەيتينگتىك-بالدىق جۇيە قولدانىلاتىن كونكۋرستىق ءراسىم, وندا شەشىمدەر ادام قاتىسۋىنسىز, اۆتوماتتى تۇردە, جي ەلەمەنتتەرىن پايدالانۋ ارقىلى قابىلدانادى.
«قورىتىندىلار بەس كۇن ىشىندە شىعارىلادى. رەيتينگتىك-بالدىق جۇيەنىڭ نەگىزگى كريتەريلەرى: جۇمىس تاجىريبەسى, كومپانيانىڭ قارجىلىق تۇراقتىلىق كورسەتكىشى, بەلگىلى ءبىر اكىمشىلىك-اۋماقتىق بىرلىككە تيەسىلىگى جانە ت.ب. سالىستىرۋ ءۇشىن ايتساق, بۇل زاڭ قابىلدانعانعا دەيىن كونكۋرستىق راسىمدەر كەمىندە 60 كۇنگە سوزىلسا, رەيتينگتىك-بالدىق جۇيە ەنگىزىلگەننەن كەيىن بۇل راسىمدەر ورتا ەسەپپەن 5 كۇندە اياقتالادى. رەيتينگتىك-بالدىق جۇيە قولدانىلماعان جاعدايدا, ادەتتەگى كونكۋرستار 10 جۇمىس كۇنىنە دەيىن سوزىلادى», دەدى داۋرەن كەڭبەيىل.
رەيتينگتىك-بالدىق جۇيەنى قولدانۋ تاجىريبەسى وڭىرلىك دەڭگەيدە ءوز ناتيجەسىن كورسەتە باستادى, مىسالى:
اقمولا وبلىسىندا 6 جۇمىس كۇنى ىشىندە قۇنى 1,8 ملرد تەڭگە بولاتىن سپورت كەشەنىنىڭ قۇرىلىسىنا قاتىستى مەملەكەتتىك ساتىپ الۋ بويىنشا جەڭىمپاز انىقتالىپ, مەردىگەر رەتىندە كوكشەتاۋ قالاسىنداعى جەرگىلىكتى «ستروي بك» جشس تانىلدى.
ۇلىتاۋ وبلىسىندا 5 جۇمىس كۇنى ىشىندە قۇنى 1,1 ملرد تەڭگە بولاتىن جالپى ءبىلىم بەرەتىن مەكتەپ قۇرىلىسى بويىنشا كونكۋرس جەڭىمپازى انىقتالىپ, مەردىگەر بولىپ جەزقازعان قالاسىنداعى وڭىرلىك «استانا پرەميۋم ستروي» جشس بەلگىلەندى.
وسىلايشا, ۆيتسە-مينيستر اتاپ وتكەندەي, جاڭا زاڭ بىرقاتار بيۋروكراتيالىق ءراسىمدى الىپ تاستاۋعا, ساتىپ الۋلاردى جەڭىلدەتۋگە جانە مەرزىمدەردى ەداۋىر قىسقارتۋعا مۇمكىندىك بەردى.
وتاندىق تاۋار وندىرۋشىلەر سەرتيفيكات الۋ كەزىندە كەدەرگىگە تاپ بولىپ وتىر
سونىمەن قاتار رەفورما وتاندىق تاۋار وندىرۋشىلەردى قولداۋعا باعىتتالدى. زاڭدا كومپانيالاردى قامتاماسىز ەتۋدىڭ بارلىق تۇرىنەن بوساتۋ, ايىپپۇل سانكتسيالارىن ازايتۋ, تاۋار جەتكىزۋدىڭ ەڭ مينيمالدى مەرزىمىن 15 كۇننەن 60 كۇنتىزبەلىك كۇنگە دەيىن ۇزارتۋ, سونداي-اق تولەم مەرزىمىن 30 جۇمىس كۇنىنەن 10 جۇمىس كۇنىنە دەيىن قىسقارتۋ قاراستىرىلعان.
نىسانداردى سالۋدا EPC جانە EPC-F كەلىسىمشارتتارى تۇرىندەگى جاڭا قۇرالدار ەنگىزىلدى, بۇل ساتىپ الۋ پروتسەسىن جانە جالپى قۇرىلىس جۇمىستارىن جەدەلدەتۋگە مۇمكىندىك بەردى. بيۋروكراتيالىق راسىمدەردىڭ قىسقارتىلۋى ايتارلىقتاي ەكونوميكالىق تيىمدىلىككە قول جەتكىزۋدى قامتاماسىز ەتتى.
مەملەكەتتىك ساتىپ الۋ تۋرالى جاڭا زاڭ وتاندىق كومپانيالار ءۇشىن ماڭىزدى پرەفەرەنتسيالاردى بەكىتتى. سونىڭ ارقاسىندا وتاندىق وندىرۋشىلەرگە كەلىسىمشارتتار جاساسۋ كەزىندە باسىمدىق بەرۋ قۇقىعى, شارت سوماسىنىڭ 50% كولەمىندە مىندەتتى اۆانس تولەۋ, سونداي-اق بانكتىك كەپىلدىكتەر ۇسىنۋدان بوساتۋ جانە ايىپپۇل سانكتسيالارى بويىنشا جەڭىلدەتىلگەن تالاپتار قاراستىرىلعان.
«بۇل شارالار وتاندىق تاۋار وندىرۋشىلەردى قولداۋعا, سونداي-اق وتاندىق ءوندىرىستى ىنتالاندىرۋعا باعىتتالعان. اتالعان شارالار وتكەن جىلدىڭ قورىتىندىسى بويىنشا وتاندىق وندىرۋشىلەرمەن جاسالعان كەلىسىمشارتتار سانىن ەداۋىر ارتتىرۋعا, سونداي-اق وتاندىق وندىرۋشىلەرمەن جاسالعان كەلىسىمشارتتاردىڭ جالپى سوماسىن ۇلعايتۋعا مۇمكىندىك بەردى», دەپ ءتۇسىندىردى ۆيتسە-مينيستر.
