فرانتسيا باسشىسىنىڭ سوزىنشە, ول زاڭ اۆتورلارىنان جاسوسپىرىمدەردى الەۋمەتتىك جەلىدەن شەكتەۋ تۋرالى قۇجاتتى تەزىرەك ۇسىنۋدى سۇراعان.
ء«بىزدىڭ بالالارىمىز بەن جاسوسپىرىمدەرىمىزدىڭ ساناسى ساتىلمايدى. ولاردىڭ سەزىمدەرى دە ساتىلمايدى, ولار امەريكالىق, قىتايلىق پلاتفورمالاردىڭ مانيپۋلياتسيا نىساناسى بولماۋى قاجەت», دەدى ماكرون.
15 جاسقا تولماعان بالالاردىڭ الەۋمەتتىك جەلىلەرگە كىرۋىن شەكتەۋمەن قاتار, زاڭ جوباسى فرانتسيانىڭ بارلىق ليتسەيلەرىندە سمارتفونداردى پايدالانۋعا تىيىم سالادى.
وسىعان دەيىن 2023 جىلى فرانتسيا ۇكىمەتى كامەلەتكە تولماعانداردىڭ الەۋمەتتىك جەلىلەرگە كىرۋىن شەكتەيتىن, سونداي-اق اككاۋنت اشۋ ءۇشىن اتا-اناسىنىڭ كەلىسىمىن تالاپ ەتەتىن زاڭ قابىلداعان. الايدا بۇل زاڭ ەۋروپالىق وداقتىڭ تسيفرلىق قىزمەتتەر تۋرالى زاڭىنا (DSA) قايشى كەلگەندىكتەن, سول كۇيى كۇشىنە ەنگەن جوق.
ەسكە سالايىق, بىلتىر اۋستراليا 16 جاسقا تولماعان بالالارعا الەۋمەتتىك جەلىلەردى پايدالانۋعا تىيىم سالعان ەدى. TikTok, YouTube, Instagram جانە Facebook سياقتى ون پلاتفورمانى جاسوسپىرىمدەر ەل اۋماعىندا پايدالانا المايدى.
