فوتو: قورعانىس مينيسترلىگى (ارحيۆ)
بۇگىندە درون وپەراتورىنىڭ جۇمىسى تەك قۇرىلعىنى باسقارۋمەن شەكتەلمەيدى. ماماندار ۇشۋ جوسپارلارىن ازىرلەۋدى, دەرەكتەردى وڭدەۋدى جانە كۇردەلى تەحنيكالىق قىزمەت كورسەتۋدى مەڭگەرۋ ءتيىس. قاراپايىم قۇرىلعىلاردى باسقارۋ ونەركاسىپتىك درونداردى يگەرۋگە جەتكىلىكسىز. ۇشقىشسىز اۋە كەمەلەرى اۆتوماتتى رەجيمدە ۇشا العانىمەن, مارشرۋت قۇرۋ, قاجەتتى اقپاراتتى جيناۋ, مۋلتيسپەكترلى كامەرا نەمەسە تەپلوۆيزور سەكىلدى كۇردەلى جابدىقتاردىڭ جۇمىسىن ءتۇسىنۋ جوعارى بىلىكتىلىكتى تالاپ ەتەدى. سوندىقتان وپەراتورلار مودەلدەۋ, باعدارلامالاۋ نەگىزدەرىن, سونداي-اق درونداردى باسقارۋعا ارنالعان باعدارلامالىق قامتاماسىز ەتۋدى جاقسى ءبىلۋى قاجەت.
روبوتتار مەن دروندار ەلەكتر-جىلۋ جەلىلەرىن دياگنوستيكالاۋ ءۇشىن قولدانىلماق
وسى سۇرانىستى ەسكەرە وتىرىپ, ورتالىق 1 جانە 2 ساناتتاعى ۇاكج وپەراتورلارىنا ارنالعان وقۋ كۋرستارىن ازىرلەدى. باعدارلامالار تەوريالىق ءبىلىمدى قالىپتاستىرۋمەن قاتار, پراكتيكالىق داعدىلاردى دامىتۋعا باعىتتالعان.
1-سانات. ۇاكج وپەراتورىنىڭ بازالىق دايارلىعى جەكە ماقساتتا ماكسيمالدى ۇشىپ كوتەرىلۋ سالماعى 25 كەلىگە دەيىنگى كوپ روتورلى جانە تىكۇشاق ءتيپتى درونداردى پايدالاناتىندارعا ارنالعان. وقىتۋ تولىقتاي تەوريالىق سيپاتتا وتەدى جانە ۇشقىشسىز جۇيەلەردى قاۋىپسىز ءارى ساۋاتتى قولدانۋعا قاجەتتى ىرگەلى ءبىلىم بەرەدى. تىڭداۋشىلار ۇلتتىق جانە حالىقارالىق اۆياتسيا زاڭناماسىنىڭ نەگىزدەرىن, اۋە كەڭىستىگىنىڭ قۇرىلىمىن, ۇشۋعا رۇقسات الۋ ءتارتىبىن مەڭگەرەدى. سونىمەن قاتار اۆياتسيالىق قاۋىپسىزدىك, تاۋەكەلدەردى تالداۋ, ىقتيمال قاتەرلەردى انىقتاۋ جانە ستاندارتتى ەمەس جاعدايدا دۇرىس شەشىم قابىلداۋ ماسەلەلەرىنە ەرەكشە كوڭىل بولىنەدى. كۋرس 24 ساعاتقا ەسەپتەلگەن, اپتاسىنا 4 كۇن, كۇنىنە 6 ساعاتتان وتەدى.
قازاقستاندىق ينجەنەر اقش-تاعى ەڭ ۇزدىك 10 درون ازىرلەۋشىنىڭ قاتارىنا كىردى
2-سانات. ۇاكج وپەراتورى باعدارلاماسى (MID Rating) ماكسيمالدى ۇشىپ كوتەرىلۋ سالماعى 25 كەلىگە دەيىنگى بارلىق تيپتەگى دروندارمەن جۇمىس ىستەيتىن ماماندارعا ارنالعان. بۇل كۋرس تەوريالىق جانە پراكتيكالىق وقىتۋدى قامتىپ, وپەراتوردىڭ كاسىبي قىزمەتىنە قاجەتتى ارنايى ءبىلىم مەن داعدىلاردى قالىپتاستىرۋدى كوزدەيدى. تەوريالىق ءبولىمدى اياقتاعان سوڭ تىڭداۋشىلار ۇشقىشسىز جۇيەلەردىڭ جۇمىس ىستەۋ قاعيداتتارىن, الگوريتمدەرىن تەرەڭ مەڭگەرىپ, پراكتيكالىق تاپسىرمالاردى سەنىمدى ورىنداۋعا مۇمكىندىك الادى.
ايتا كەتەيىك, پراكتيكالىق ساباقتار كوپ روتورلى درون وپەراتورلارىنىڭ باستاپقى ۇشۋ دايارلىعىنا باعىتتالعان. كۋرس بارىسىندا ستۋدەنتتەر ۇشۋ الدىنداعى دايىندىق, جيناقتاۋ جانە تەكسەرۋ راسىمدەرىن, ءتۇرلى ۇشۋ تاپسىرمالارىن قۇراستىرۋ مەن ورىنداۋ تاسىلدەرىن ۇيرەنەدى. پراكتيكالىق ءبولىمنىڭ جالپى ۇزاقتىعى 48 ساعاتتى قۇرايدى, ياعني اپتادا 6 وقۋ كۇنى, ءار كۇنىنە 8 ساعاتتان وتەدى.
ونەركاسىپ جانە قۇرىلىس مينيسترلىگىنىڭ حابارلاۋىنشا, وقۋ باعدارلامالارى بويىنشا تولىق اقپاراتتى استانا قالاسى, اۋەزوۆ كوشەسى, 2 مەكەنجايىنان نەمەسە ارنايى بايلانىس نومىرلەرى (+7 777 614 27 19, +7 702 505 70 09) ارقىلى الۋعا بولادى.
