فوتو:gov.kz
وڭىرلىك پوليتسيا دەپارتامەنتىنىڭ حابارلاۋىنشا, اققۋلى اۋدانىندا تۇرعىنداردىڭ ت ۇلىكتەرىن ۇرلاپ كەلگەن قىلمىستىق توپ مۇشەلەرى اشكەرە بولعان. ارنايى وپەراتسيا ناتيجەسىندە 50-دەن استام جىلقى مەن ءىرى قارا مالداردى ۇرلادى دەگەن كۇدىكپەن 6 ادام انىقتالىپ, ۇستالدى. ولاردىڭ قىلمىستىق ارەكەتتەرىنەن كەلتىرىلگەن زالال كولەمى 60 ميلليون تەڭگەدەن اسادى.
«كۇدىكتىلەر الدىن الا قىلمىستىق رولدەردى بولىسە وتىرىپ, ۇيىمداسقان تۇردە ارەكەت ەتكەن. ۇرلانعان جىلقىلار مەن ءىرى قارا مالدار وقيعا ورنىندا سويىلىپ, اباي جانە پاۆلودار وبلىستارىنىڭ نارىقتارىندا ساتىلعان. ءتورت ەلدى مەكەندە ءتىنتۋ شارالارى جۇرگىزىلدى, ونىڭ ەكەۋى كورشىلەس اباي وبلىسىنىڭ اۋماعىندا ورنالاسقان. ناتيجەسىندە 28 باس جىلقى, مال تەرىلەرى, ءۇش اۆتوكولىك, 8 بىرلىك قارۋ جانە وق-دارىلەر تاركىلەندى. اتالعان دەرەك بويىنشا سوتقا دەيىنگى تەرگەپ-تەكسەرۋ جۇرگىزىلىپ جاتىر. ۇستالعانداردىڭ ۇشەۋى ۋاقىتشا ۇستاۋ يزولياتورىنا قامالدى», دەپ مالىمدەدى پاۆلودار وبلىسى پوليتسيا دەپارتامەنتى باستىعىنىڭ ءبىرىنشى ورىنباسارى بولات نۇرسەيىتوۆ.
سونداي-اق پاۆلودار وبلىسىنىڭ ماي اۋدانىندا وسىعان ۇقساس قىلمىسقا قاتىسى بار 3 كۇدىكتى انىقتالىپ, قاماۋعا الىنعان. ولاردىڭ 100-دەن استام ءىرى قارا مالدى ۇرلاۋعا قاتىسى بولۋى مۇمكىندىگى تەكسەرىلىپ جاتىر. كەلتىرىلگەن زالال 20 ملن تەڭگەدەن اسادى.
پاۆلودار وبلىسى
