كۇنى كەشە سەناتورلار پرەمەر-مينيسترگە جولداعان دەپۋتاتتىق ساۋالىندا وسىنداي دەرەكتەر كەلتىردى. جايىلىم تاپشىلىعى وبلىس اۋماعىندا وزەكتى پروبلەما بولىپ تۇر. مىسالى, بىلتىر سايرام اۋدانى شاپىراشتى اۋىلىنىڭ تۇرعىندارى مال جاياتىن جەردىڭ بارلىعى جەكەنىڭ مەنشىگىنە ءوتىپ كەتكەنىن, جايىلىم تاپشىلىعىنان جۇرت جىل ون ەكى اي ءتورت ت ۇلىگىن قوراعا قاماپ ۇستاۋعا ءماجبۇر ەكەنىن ايتىپ شاعىمدانعان بولاتىن. ال اۋداندىق اكىمدىك شاپىراشتى مەن بەرەكە اۋىلىندا جايىلىم جەر جوق ەكەنىن اشىپ ايتتى. دەگەنمەن وڭىردە بۇل باعىتتا بىرقاتار جۇمىس اتقارىلىپ جاتىر.
وبلىس اكىمدىگىنىڭ مالىمەتىنشە, ارنايى قۇرىلعان جۇمىس توبى 2 271 جەر پايدالانۋشىعا تيەسىلى 335,8 مىڭ گەكتار جايىلىم جەردە مال باسىنىڭ تىركەلمەگەنىن انىقتاعان. وسىعان بايلانىستى اۋدان, قالا اكىمدىكتەرىمەن بىرلەسىپ ناقتىلاۋ جۇمىستارى جۇرگىزىلىپ, 187,3 مىڭ گەكتار جايىلىم جەردى مەملەكەت مەنشىگىنە قايتارۋ جوسپارى بەكىتىلدى. جالپى 2024-2025 جىلدار ارالىعىندا وبلىس بويىنشا 293,3 مىڭ گەكتار جايىلىم جەر مەملەكەت مەنشىگىنە قايتارىلدى. قايتارىلعان جايىلىمداردىڭ ەلدى مەكەندەرگە جاقىن ورنالاسقان 161,9 مىڭ گەكتارىن قوعامدىق جايىلىم رەتىندە اۋىلدىق وكرۋگ اكىمدىكتەرىنە بەكىتىلەدى. سونداي-اق 2026 جىلعا اۋىل شاۋراشىلىعى ماقساتىنداعى 146,5 مىڭ گەكتار جەردى اينالىمعا ەنگىزۋ جوسپارلانعان.
