فوتو: اشىق دەرەككوز
فورۋمدا ماسك ادامزات ءۇشىن عارىشتى يگەرۋدىڭ ماڭىزىن اتاپ ءوتتى.
«مەنىڭ ماقساتىم – وركەنيەتتىڭ بولاشاعىن بارىنشا قولايلى ەتۋ. مەنىڭ سانامدا ءبىر بەينە بار: شەكسىز قاراڭعىلىقتاعى كىشكەنتاي شام. بۇل – كەز كەلگەن ساتتە ءسونىپ قالۋى مۇمكىن سانانىڭ ءالسىز جارىعى. جەردە تابيعي نەمەسە ادام قولىمەن جاسالعان اپات بولسا دا, سانا ءوز تىرشىلىگىن جالعاستىرۋى ءتيىس. SpaceX-ءتىڭ ءمانى دە وسىندا», دەدى يلون ماسك.
ءسوزىنىڭ ەكىنشى بولىمىندە ماسك جاساندى ينتەللەكت پەن روبوتوتەحنيكاعا توقتالىپ, الداعى ونجىلدىقتا تەحنولوگيالار ادامداردىڭ كۇندەلىكتى ءومىرىن قالاي وزگەرتەتىنىن سيپاتتادى.
«مەنىڭ بولجامىمشا بولاشاقتا الەمدەگى ءاربىر ادامنىڭ ءوز روبوتى بولادى. ەگەر تەحنولوگيا قاۋىپسىز بولسا, ولار روبوتتىڭ بالالارىن باقىلاعانىن, ءۇي جانۋارلارىنا قاراعانىن, قارت اتا-انالارىنا كومەكتەسكەنىن قالار ەدى. ارينە, مۇنىڭ ءبارى تاۋەكەلسىز ەمەس. جاساندى ينتەللەكت پەن روبوتوتەحنيكانى دامىتۋدا بارىنشا ساق بولۋىمىز كەرەك. ءبىز ءبىر كۇنى دجەيمس كەمەروننىڭ ءفيلمىنىڭ ىشىندە ويانعىمىز كەلمەيدى. ونىڭ فيلمدەرى كەرەمەت, مەن ولاردى جاقسى كورەمىن. بىراق «تەرميناتور» الەمىندە ءومىر سۇرگىمىز كەلمەيتىنى انىق», دەدى ماسك.
يلون ماسك 600 ملرد دوللارى بار جەر بەتىندەگى العاشقى ادام اتاندى
