ۇزىندىعى 18,5 شاقىرىم بولاتىن ك-34 كانالىندا تومەنگى بولىكتەگى 7,5 شاقىرىم ۋچاسكەنى تازالاۋ جوسپارلانعان. ۆەگەتاتسيا كەزەڭىندە بۇل بولىكتە سۋدى جەتكىزۋدە قيىندىقتار تۋىندايتىن. ەندى ونى تازالاۋ جۇمىستارى تولىق كولەمدە اياقتالدى. ال ۇزىندىعى 28,2 شاقىرىم بولاتىن ك-25 كانالى جەتىساي اۋدانىنداعى ءۇش اۋىلدىق وكرۋگتىڭ 13 مىڭ گەكتار جەرىن سۋارمالى سۋمەن قامتاماسىز ەتەدى. قازىرگى تاڭدا مۇندا 10 شاقىرىم ۋچاسكەدە مەحانيكالىق تازالاۋ جۇمىستارى جۇرگىزىلىپ جاتىر.
سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ اۋدانعا جۇمىس ساپارى بارىسىندا «قازسۋشار» فيليالدارىن جاڭا ءارى زاماناۋي ارنايى تەحنيكامەن قامتاماسىز ەتۋ بويىنشا شامامەن 600 تەحنيكا جەتكىزىلگەنىن, جوسپارلانعان جوبالاردى ساپالى ىسكە اسىرۋ ءۇشىن بارلىق جاعداي جاسالعانىن ايتتى. كانالداردى تازالاۋ جۇمىستارى ۆەگەتاتسيا كەزەڭى باستالعانعا دەيىن اياقتالۋى ءتيىس.
