فوتو: اقوردا
قاسىم-جومارت توقاەۆ بۇل ىستە ەكونوميستەر مەن ەنەرگەتيكا سالاسىنىڭ ماماندارىنا سىن-ەسكەرتپە ايتىپ, كادرلىق شەشىمدەر قابىلداۋعا تۋرا كەلۋى مۇمكىن ەكەنىن جەتكىزدى.
ء«بىزدىڭ باستى ستراتەگيالىق ماقساتىمىز ساپالى ەكونوميكالىق ءوسىم قارقىنىن باسەڭدەتپەۋ. وسى ماقساتتا ينفلياتسيانى تومەندەتۋگە باعىتتالعان جۇمىستار باستالدى, جاڭا ينۆەستيتسيالىق كەزەڭ جاريالاندى, سونداي-اق وزگە دە شەشىمدەر قابىلدانىپ جاتىر», دەدى مەملەكەت باسشىسى.
پرەزيدەنت اسسامبلەيا مەن ۇلتتىق قۇرىلتاي ورنىنا حالىق كەڭەسىن قۇرۋدى ۇسىندى
پرەزيدەنت ەكونوميكا مەن بيزنەس جاڭا سالىق رەجيمىنە كوشىپ جاتقانىن جانە ۇكىمەت پەن جەرگىلىكتى اتقارۋشى ورگانداردىڭ الدىنا بۇل كەزەڭدى قالىپتى وتكىزۋ مىندەتىن قويدى.
«جاڭا سالىق كودەكسىن قولدانۋعا قاتىستى قوعام تاراپىنان ايتىلعان بارلىق ورىندى, سىندارلى ۇسىنىستى مۇقيات زەردەلەپ, قاجەت بولعان جاعدايدا ءتيىستى تۇزەتۋلەر ەنگىزۋ قاجەت.
قوعام ترانسفورماتسياسى كەزىندە ءتيىمدى كەرى بايلانىستىڭ ورنى ايرىقشا ماڭىزدى. ازاماتتاردىڭ وتىنىشىمەن جۇيەلى جۇمىس جۇرگىزۋ قوعامنىڭ تىنىسىن ءدوپ باسىپ, ولاردىڭ ناقتى قاجەتتىلىكتەرىن بىلۋگە جانە حالىقتىڭ ءۇمىت-تىلەكتەرىنە دەر كەزىندە جاۋاپ قاتۋعا مۇمكىندىك بەرەدى», دەدى قاسىم-جومارت توقاەۆ.
پارتيالاردىڭ پارلامەنتكە ءوتۋ مەجەسى 5 پايىز بولىپ قالا بەرە مە؟
سونىمەن قاتار مەملەكەت باسشىسى كىسى قولىنان قازا تاپقان نۇرايدىڭ باسىندا بولعان جاعدايعا دا اسا ءمان بەردى.
بۇعان دەيىن قاسىم-جومارت توقاەۆ ارال تەڭىزى ماسەلەسىنە قاتىستى پىكىر ءبىلدىرىپ, ونى ساقتاۋ بۇكىل ادامزات ءۇشىن وزەكتى مىندەت ەكەنىن ايتقان بولاتىن.
