باسقارمانىڭ مالىمەتىنشە, جوسپاردان تىس جۇرگىزىلگەن تەكسەرۋ بارىسىندا اتالعان نىساننىڭ ءتيىستى رۇقسات قۇجاتتارىنسىز سالىنعانى انىقتالعان. وسىعان بايلانىستى نىسان يەسى بولىپ تابىلاتىن جەكە تۇلعاعا اكىمشىلىك شارالار قولدانىلىپ, زاڭبۇزۋشىلىقتاردى جويۋ جونىندە نۇسقاما بەرىلگەن.
2025 جىلعى 9 قازاندا اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوت قاۋلىسىمەن نىسان يەسى كىنالى دەپ تانىلىپ, زاڭسىز سالىنعان قۇرىلىستى ماجبۇرلەپ بۇزۋ تۋرالى شەشىم شىعارىلعان.
قالا قۇرىلىسى باقىلاۋ باسقارماسىنىڭ دەرەگىنشە, سوت اكتىسىن ورىنداۋ ماقساتىندا بىرەر كۇن بۇرىن قوسالقى نىساندى بۇزۋ جۇمىستارى باستالعان. باسقارما قالا اۋماعىندا زاڭسىز قۇرىلىسقا جول بەرمەۋ باعىتىنداعى باقىلاۋ جۇمىستارى جالعاساتىنىن اتاپ ءوتتى.
