فوتو: ۇكىمەت
الدىمەن ديامەترى 400 ميلليمەتر بولاتىن ماگيسترالدە اقاۋ تىركەلىپ, كەشە سول اۋماقتا تاعى توتەنشە جاعداي انىقتالعان. سالدارىنان قالاداعى 7 ىقشاماۋداندا ورنالاسقان عيماراتتاردىڭ جىلۋ تەمپەراتۋراسى كۇرت ءتۇسىپ كەتكەن. بۇل قاتاردا بالاباقشا, اۋرۋحانا سىندى الەۋمەتتىك ماڭىزى بار نىساندار مەن بيزنەس ورتالىقتار بار.
كتك مالىمەتىنشە, جازدا قالا بيلىگى جىلۋ جەلىلەرىنىڭ 1 شاقىرىمىن جاڭارتقانىمەن, اقاۋ شىققان اۋماق بۇل جوسپاردان تىس قالعان.
تەمىرتاۋ قالاسى اكىمىنىڭ ورىنباسارى رينات قىدىربەكوۆتىڭ ايتۋىنشا, قازىر اقاۋ شىققان اۋماقتا جوندەۋ جۇمىستارى جۇرگىزىلىپ جاتىر.
استانادا تاعى ءبىر گاز جىلۋ ستانتسياسىنىڭ قۇرىلىسى باستالدى
«№2 جىلۋ ماگيسترالىندە ديامەترى 320 ميلليمەترلىك قۇبىردان اقاۋ شىقتى. قازىر ونى اۋىستىرىپ جاتىرمىز. جاقىن ارادا جۇمىستار تولىق اياقتالادى. كەيىن نىساندار قايتا جىلۋ جەلىسىنە قوسىلادى», دەدى تەمىرتاۋ قالاسى اكىمىنىڭ ورىنباسارى.
بۇعان دەيىن تەمىرتاۋدا 8-ءشى شاعىن اۋدان مەن وترادنوە كوشەلەرىن جىلۋمەن قامتاماسىز ەتەتىن ماگيسترالدى جىلۋ قۇبىرىندا اپات بولعان. وقيعا سالدارىنان 40 كوپقاباتتى ءۇي مەن ونداعان جەكە تۇرعىن ءۇي جىلۋسىز قالعان ەدى.
