فوتو. اشىق دەرەككوز
«بۇل سايلاۋعا ءوزىمنىڭ پرەمەر-مينيستر رەتىندەگى بولاشاعىمدى تىگىپ وتىرمىن. ەلدى باسقارۋدى ماعان سەنىپ تاپسىرا ما, سونى حالىقتىڭ ءوزى شەشسىن», دەدى ۇكىمەت باسشىسى ساناە تاكايتي.
ايتا كەتەيىك, ساناە تاكايتي جاپونيادا پرەمەر-مينيستر بولىپ سايلانعان العاشقى ايەل ادام.
NHK تەلەارناسىنىڭ مالىمەتىنشە, قازىر بيلىكتەگى كواليتسيا تومەنگى پالاتادا بار بولعانى ءبىر داۋىستىڭ ارتىقشىلىعىمەن عانا وتىر. كوپشىلىككە يە بولۋ ءۇشىن 233 ماندات قاجەت, ال كواليتسيانىڭ قولىندا ءدال وسى 233 ورىن عانا بار. ياعني ءبىر دەپۋتاتتىڭ كەتۋى نەمەسە داۋىس بەرۋگە قاتىسپاۋى بيلىكتىڭ ازشىلىققا اينالۋىنا اكەلۋى مۇمكىن.
الداعى سايلاۋدا تاكايتي ءوز ۇستانىمىن كۇشەيتىپ, باعدارلاماسىنا قولداۋ الۋدى كوزدەيدى. ۇكىمەت جوسپارى مەملەكەتتىك شىعىستاردى كوبەيتۋدى, سالىقتىق جەڭىلدىكتەر بەرۋدى جانە قورعانىس سالاسىن نىعايتۋدى قامتيدى. الەۋمەتتىك تۇرعىدان ەڭ كوپ تالقىلانىپ جاتقان ۇسىنىس – ازىق-ت ۇلىككە سالىناتىن 8%-دىق سالىقتى ەكى جىلعا توقتاتۋ.
ۇكىمەتتىڭ ەسەبىنشە, بۇل شەشىم بيۋدجەتكە جىل سايىن شامامەن 5 ترلن يەن كولەمىندە كىرىستىڭ كەم تۇسۋىنە اكەلەدى. سوعان قاراماستان, ءومىر ءسۇرۋ قۇنىنىڭ قىمباتتاۋى قازىر جاپون قوعامىنداعى ەڭ وزەكتى ماسەلە سانالادى. ساۋالنامالارعا سايكەس, حالىقتىڭ جارتىسىنا جۋىعى ەڭ الدىمەن وسى پروبلەمانى اتاپ وتىر.
قاسىم-جومارت توقاەۆ جاپونيانىڭ پرەمەر-ءمينيسترى ساناە تاكايچيمەن كەلىسسوز جۇرگىزدى
سايلاۋدا پرەمەرگە قارسى بىرىككەن وپپوزيتسيالىق بلوك قاتىسادى. ولار ازىق-ت ۇلىككە سالىناتىن 8%-دىق سالىقتى ۋاقىتشا توقتاتىپ قانا قويماي, ونى مۇلدە الىپ تاستاۋدى ۇسىنادى.
