فوتو: اشىق دەرەككوز
مادەنيەت جانە اقپارات مينيسترلىگىنىڭ مالىمەتىنشە, اباي اتىنداعى ادەبيەت پەن ونەر سالاسىنداعى مەملەكەتتىك سىيلىعىن بەرۋ جونىندەگى كوميسسيا 2026 جىلعا ارنالعان كونكۋرس باستالعانىن حابارلادى. بايقاۋ قازاقستان رەسپۋبليكاسى پرەزيدەنتىنىڭ 2015 جىلعى 21 قاڭتارداعى №993 جارلىعىنا سايكەس وتكىزىلەدى.
«اباي اتىنداعى مەملەكەتتىك سىيلىق قازاقستان رەسپۋبليكاسىنىڭ ازاماتتارىنا جانە شەتەلدىكتەرگە قازاقستان مادەنيەتىنىڭ دامۋىنا ەرەكشە باعالى ۇلەس دەپ تانىلعان ادەبيەت پەن ونەر سالاسىنداعى اسا ۇزدىك شىعارمالارى ءۇشىن بەرىلەدى.
اباي اتىنداعى مەملەكەتتىك سىيلىققا ۇسىنىلعان ۇجىمداعى ۇمىتكەرلەردىڭ سانى 5 ادامنان اسپاۋى ءتيىس, ىزدەنۋشىلەر ۇجىمىنا جۇمىستى ورىنداۋ پروتسەسىندە تەك اكىمشىلىك جانە ۇيىمداستىرۋ فۋنكتسيالارىن جۇزەگە اسىرعان تۇلعالاردى قوسۋعا جول بەرىلمەيدى.
جۇمىس اباي اتىنداعى مەملەكەتتىك سىيلىققا ءبىر رەت قانا ۇسىنىلا الادى. ءبىر اۆتور نەمەسە اۆتورلار ۇجىمى اباي اتىنداعى مەملەكەتتىك سىيلىققا قاتارىنان ەكى رەت ۇسىنىلا المايدى», دەلىنگەن حابارلامادا.
مەملەكەتتىك سىيلىققا ىرىكتەۋدەن وتكەن جۇمىستاردىڭ ءتىزىمى جاريالاندى
ايتا كەتەيىك, بۇعان دەيىن مەملەكەتتىك سىيلىق العان ەڭبەكتەر كونكۋرسقا جىبەرىلمەيدى. اباي اتىنداعى مەملەكەتتىك سىيلىققا وسى سىيلىقتىڭ لاۋرەاتىنا جاڭا جەتىستىگى ءۇشىن قايتادان بەرىلۋى مۇمكىن, بىراق كورسەتىلگەن سىيلىق الدىڭعى بەرىلگەنىنەن كەيىن بەس جىلدان ەرتە بولمايدى.
قۇجاتتار مەن شىعارماشىلىق ماتەريالداردى قابىلداۋ مەرزىمى – 2026 جىلعى 1 ناۋرىزعا دەيىن.
ۇمىتكەرلەردى مەملەكەتتىك ورگانداردىڭ القالارى, شىعارماشىلىق وداقتار مەن شىعارماشىلىق ۇجىمدار ۇسىنا الادى. بايقاۋعا ۇسىنىلعان اۆتورلار مەن ەڭبەكتەر ءتىزىمى اشىق تالقىلاۋ ماقساتىندا رەسپۋبليكالىق بۇقارالىق اقپارات قۇرالدارىندا جاريالانادى. ال 2026 جىلعى اباي اتىنداعى مەملەكەتتىك سىيلىق يەگەرلەرى تۋرالى شەشىم رەسمي تۇردە ءباسپاسوز بەتتەرىندە حابارلانادى.
مادەنيەتكە ەڭبەك سىڭىرگەندەر: 2025 جىلعى مەملەكەتتىك ستيپەنديا يەگەرلەرىنىڭ ءتىزىمى جاريالاندى
ۇسىنىلعان ەڭبەكتەردى تىركەۋ ءۇشىن مىنا قۇجاتتار قاجەت:
- مەملەكەتتىك ورگاننىڭ نەمەسە شىعارماشىلىق وداقتىڭ ۇسىنىسى.
- جينالىس حاتتاماسى.
- شىعارماشىلىق مىنەزدەمە.
- ۇمىتكەردىڭ جەكە ءىس قاعازى.
- 2 دانا سۋرەتى (3*4).
- ۇسىنىلعان ەڭبەكتىڭ 50 داناسى.
- تۇلعانى راستايتىن قۇجاتتىڭ كوشىرمەسى (جەكە كۋالىك نەمەسە تولقۇجات).
- شىعارمانىڭ اۆتورى جانە شىعارما جونىندە قىسقاشا ناقتى مالىمەت (مەملەكەتتىك جانە رەسمي (ورىس) تىلدەرىندە).
- ساۋلەت ونەرى تۋىندىلارى بويىنشا عيماراتتاردىڭ, كەشەندەردىڭ وندىرىسكە ەنگىزىلۋىن جانە اۆتورلىق قۇقىقتى راستايتىن قۇجاتتار قوسا تىركەلۋى ءتيىس.
قۇجاتتار مەن شىعارماشىلىق ەڭبەكتەر استانا قالاسى, ماڭگىلىك ەل داڭعىلى, 8-ءۇي, «مينيسترلىكتەر ءۇيى» عيماراتىندا ورنالاسقان قازاقستان رەسپۋبليكاسى مادەنيەت جانە اقپارات مينيسترلىگىندە قابىلدانادى.
