فوتو: Depositphotos.com
بۇل – حعس تاريحىندا مەديتسينالىق سەبەپتەرمەن بۇكىل ەكيپاجدىڭ مەرزىمىنەن بۇرىن جەرگە قايتارىلعان العاشقى جاعدايى. مەديتسينالىق قۇپيانى ساقتاۋ ماقساتىندا اتى-ءجونى جاريالانباعان استروناۆتتاردىڭ ءبىرى وتكەن اپتادا (7-8 قاڭتاردا) ءوزىن قاتتى جايسىز سەزىنگەن. جەردەگى ماماندارمەن كەڭەسكەننەن كەيىن NASA Crew-12 اۋىسىمىن كۇتپەي, 4 استروناۆتتى شۇعىل تۇردە كەرى قايتارۋ تۋرالى بۇرىن-سوڭدى بولماعان شەشىم قابىلدادى.
ەكيپاج قۇرامىندا:
- NASA استروناۆتى, ەكيپاج كومانديرى ءارى حعس كومانديرى مىندەتىن اتقارعان مايك فينك,
- NASA استروناۆتى زەنا كاردمان,
- جاپونيانىڭ اەروعارىش اگەنتتىگىنىڭ استروناۆتى كيميا يۋي,
- «روسكوسموس» عارىشكەرى ولەگ پلاتونوۆ بولدى.
ولار 2025 جىلدىڭ تامىز ايىندا كاناۆەرال مۇيىسىنەن ۇشىرىلىپ, ستانتسيادا 6 ايدان 8 ايعا دەيىن جۇمىس ىستەۋى ءتيىس ەدى. NASA وكىلدەرىنىڭ ايتۋىنشا, ەكيپاج عىلىمي باعدارلامانىڭ باسىم بولىگىن ورىنداپ ۇلگەرگەن, جوسپارلى ورالۋىنا نەبارى بىرنەشە اپتا عانا قالعان.
ء«بىز مۇنداي جاعدايلاردى ونداعان رەت پىسىقتايمىز. سوندىقتان ءبارى ءدال ءارى ۇيلەسىمدى ءوتتى. امەريكالىقتار مەن عارىش اۋەسقويلارى الاڭداماسا بولادى – NASA وسىنداي سىن-قاتەرلەرگە دايىن», دەدى باسقارما باسشىسى دجارەد ايزەكمان.
مايك فينك جەرگە مەرزىمىنەن بۇرىن ورالۋ تۋرالى شەشىمنىڭ وڭاي بولماعانىن, بۇل شەشىم ەكىۇداي سەزىم قالدىرعانىن مويىندادى. دەگەنمەن ول بۇل قادامنىڭ قاجەتتى ءارى دۇرىس بولعانىن اتاپ ءوتتى. جەرگە قايتپاس بۇرىن ول حعس باسقارۋىن رەسەيلىك عارىشكەر سەرگەي كۋد-سۆەرچكوۆقا تاپسىردى.
