فوتو: سەۆەرستال
قايعىلى وقيعا «سەۆەرستال» كومپانياسىنىڭ نەگىزگى اكتيۆى سانالاتىن چەرەپوۆەتس مەتاللۋرگيا كومبيناتىنىڭ (چەرمك) وندىرىستىك الاڭىندا بولعان.
«4 قاڭتاردا چەرمك (چەرەپوۆەتس مەتاللۋرگيا كومبيناتى) ونەركاسىپتىك الاڭىنىڭ اۋماعىندا مەردىگەر ۇيىمداردىڭ قىزمەتكەرلەرى, قازاقستان رەسپۋبليكاسىنىڭ ەكى ازاماتى جانسىز كۇيدە تابىلدى. قازىر ءولىمنىڭ سەبەبى انىقتالىپ جاتىر, وقيعا ورنىندا ارنايى قىزمەتتەر جۇمىس ىستەپ جاتىر. قىزمەتكەرلەردىڭ جاقىندارى مەن تۋىستارىنا قايعىرا كوڭىل ايتامىز», دەلىنگەن «سەۆەرستال» كومپانياسىنىڭ حابارلاماسىندا.
رەسەي فەدەراتسياسىنىڭ ۆولوگود وبلىسىنىڭ تەرگەۋ كوميتەتىنىڭ مالىمەتىنشە, شۇعىل تەرگەۋ توبى دا ىسكە قوسىلعان. قايعىلى جاعدايدىڭ ناقتى سەبەپتەرى انىقتالىپ جاتىر.
پەتروپاۆلدا ينتەرنەت جەلىسىن تارتۋمەن اينالىسقان جۇمىسشى قازا تاپتى
ەسكە سالا كەتەيىك, بۇعان دەيىن استانادا قۇرىلىس نىسانىندا جۇمىسشى بيىكتەن قۇلاپ, كوز جۇمعان بولاتىن. پوليتسيانىڭ مالىمەتىنشە, قاسبەتتىك جۇمىستار جۇرگىزۋ كەزىندە اسپالى كوتەرگىشتىڭ تروسى ءۇزىلىپ كەتكەن. ىشىندە بولعان 41 جاستاعى ەر ادام العان جاراقاتتارىنىڭ سالدارىنان وقيعا ورنىندا قايتىس بولعان.
پاۆلودار وبلىسىندا «بوگاتىر كومىر» كەنىشىندە جۇمىسشى قازا تاپتى
