فوتو: © REUTERS / Kim Hong-Ji
قازىرگى ۋاقىتتا سوتتا 2024 جىلدىڭ سوڭىندا ەلدە اسكەري جاعداي ەنگىزۋگە باعىتتالعان ارەكەتتەرگە بايلانىستى يۋن سوك يولگە قاتىستى ءىس قارالىپ جاتىر. تەرگەۋ دەرەكتەرىنە سايكەس, بۇرىنعى پرەزيدەنت پارلامەنتتىڭ اسكەري جاعدايدى جويۋ تۋرالى شەشىم قابىلداۋىنا كەدەرگى كەلتىرۋ ءۇشىن اسكەردى ۇلتتىق جينالىس عيماراتىنا جىبەرگەن. وسىعان بايلانىستى پروكۋرورلار ونى ب ۇلىك ۇيىمداستىردى دەپ ايىپتاپ وتىر.
ايىپتاۋشى تاراپتىڭ پايىمداۋىنشا, يۋن سوك يول نەگىزگى مەملەكەتتىك ينستيتۋتتاردى باقىلاۋعا الۋ ارقىلى بيلىكتى ساقتاپ قالۋدى كوزدەگەن. بۇل ءىس بويىنشا سوت ۇكىمى اقپان ايىندا جاريالانادى.
پروكۋراتۋرا ءۇش ءتۇرلى جازا نۇسقاسىن ۇسىنىپ وتىر:
-
ءولىم جازاسى (سوڭعى رەت 1997 جىلدىڭ جەلتوقسانىندا قولدانىلعان);
-
ءماجبۇرلى ەڭبەكپەن ءومىر بويىنا باس بوستاندىعىنان ايىرۋ;
-
ءماجبۇرلى ەڭبەكسىز ءومىر بويىنا باس بوستاندىعىنان ايىرۋ.
سەۋل قالاسىنىڭ ورتالىق اۋداندىق سوتى سۋديالار القاسىنىڭ حابارلاۋىنشا, ارنايى پروكۋرور چو ىن سوكتىڭ جازاعا قاتىستى تالاپتارىن تىڭداۋ ءۇشىن قوسىمشا سوت وتىرىسى كەلەسى سەيسەنبىگە بەلگىلەنگەن.
اتالعان ءىس بويىنشا ايىپتالۋشىلار قاتارىندا بۇرىنعى پرەزيدەنتپەن بىرگە بارلىعى سەگىز ادام بار. ولاردىڭ ىشىندە ەكس-قورعانىس ءمينيسترى كيم يون حيون, ۇلتتىق پوليتسيا اگەنتتىگىنىڭ بۇرىنعى باسشىسى چو دجي حو جانە اسكەري جاعدايدى جوسپارلاۋ مەن ەنگىزۋگە قاتىسى بار دەپ تانىلعان تاعى بەس تۇلعا بار.
ەكس-پرەزيدەنت يۋن سوك ءيولدىڭ جۇبايى جەمقورلىق ءىسى بويىنشا قاماۋعا الىندى
يۋن سوك يول بۇرىنعى قورعانىس ءمينيسترى جانە باسقا دا ادامدارمەن بىرگە كونستيتۋتسيالىق ءتارتىپتى السىرەتۋ ماقساتىندا ب ۇلىك ۇيىمداستىرۋ ءۇشىن ءسوز بايلاستى دەگەن ايىپقا تارتىلعان. سونداي-اق ەلدە سوعىس نەمەسە سوعان تەڭ ۇلتتىق توتەنشە جاعداي بولماعانىنا قاراماستان, اسكەري جاعدايدى زاڭسىز جاريالادى دەگەن كىنا تاعىلىپ وتىر.
تەرگەۋ ماتەريالدارىنا سايكەس, ەكس-پرەزيدەنت دەپۋتاتتاردىڭ اسكەري جاعدايدى جويۋ تۋرالى داۋىس بەرۋىنە جول بەرمەۋ ءۇشىن ۇلتتىق جينالىس اۋماعىن اسكەر مەن پوليتسيا كۇشىمەن قورشاۋعا, سونداي-اق پارلامەنت توراعاسىن, بيلىك پارتياسى مەن نەگىزگى وپپوزيتسيالىق پارتيا باسشىلارىن قاماۋعا الۋ جونىندە بۇيرىق بەرگەن دەپ ايىپتالۋدا.
ەسكە سالا كەتەيىك, قۇقىق قورعاۋ ورگاندارى يۋن سوك ءيولدى ب ۇلىك ۇيىمداستىردى دەپ ايىپتاعاننان كەيىن پارلامەنت وعان يمپيچمەنت جاريالاپ, قىزمەتىنەن شەتتەتكەن. مەملەكەت باسشىسىنىڭ مىندەتىن ۋاقىتشا اتقارۋ حان دۋك سۋعا جۇكتەلگەن.
ال ەكس-پرەزيدەنتتىڭ ادۆوكاتتارى ونىڭ قاماۋعا الىنۋىنا نەگىز جوق ەكەنىن ايتىپ, كونستيتۋتسيا پرەزيدەنتكە اسكەري جاعداي جاريالاۋ قۇقىعىن بەرەتىنىن العا تارتۋدا.
بۇعان دەيىن تەرگەۋ ورگاندارى يۋن سوك ءيولدى قاماۋعا الا الماعان ەدى. الايدا 15 قاڭتاردا قاماۋعا الۋ تۋرالى وردەر بەرىلىپ, ول يزولياتورعا جەتكىزىلدى. وسىلايشا, اسكەري جاعداي جاريالاۋ ارەكەتى ءساتسىز اياقتالعاننان كەيىن ءتورت اي وتكەن سوڭ يۋن سوك يول مەملەكەت باسشىسى قىزمەتىنەن تۇپكىلىكتى ايىرىلدى.
