فوتو: qais_arr
ول زاڭسىز ويىن بيزنەسىنە جاردەمدەستى دەگەن كۇدىككە ءىلىندى.
«كۇدىكتى 5 جىل بويى «Instagram» الەۋمەتتىك جەلىسىندە, «qais_arr» اتاۋىمەن (2,4 ملن جازىلۋشى) بەلسەندى بلوگەرلىك قىزمەت جۇرگىزىپ, سونداي-اق «Telegram»-داعى «قورا ەنتەرتەينمەنت» جابىق ارناسىن (368 مىڭ جازىلۋشى) باسقارعان. كۇدىكتى الەۋمەتتىك جەلىلەردەگى جەكە اككاۋنتتارىن پايدالانا وتىرىپ, قازاقستان رەسپۋبليكاسىنىڭ ازاماتتارى ءۇشىن «Pinco» سايتىندا تىركەلۋگە جانە قۇمار ويىندارعا قاتىسۋعا باعىتتالعان تىكەلەي سىلتەمەلەردى, گرافيكالىق ەلەمەنتتەردى جانە ۇندەۋلەردى قامتيتىن بەينەماتەريالدار مەن جاريالانىمداردى جۇيەلى تۇردە ورنالاستىرعان. سونىمەن قاتار بەينەروليكتەردىڭ استىندا پايدالانۋشىلارعا بونۋس بەرەتىن جەكە پروموكودىن كورسەتكەن», دەپ ءتۇسىندىردى اگەنتتىك.
وسىلايشا, بلوگەر ازاماتتاردى قۇمار ويىندارعا تارتۋعا باعىتتالعان ونلاين-پلاتفورمانى جارنامالاپ, ويىن پلاتفورماسىنان سىياقىلار, بونۋستار نەمەسە پايىزدىق اۋدارىمدار تۇرىندە تابىس الىپ وتىرعان.
زاڭسىز جولمەن الىنعان كىرىستەردى جاسىرۋ ماقساتىندا كۇدىكتى كريپتوامياندى پايدالانعان. وعان «Pinco» ينتەرنەت-كازينوسىنىڭ ۇيىمداستىرۋشىلارىنان تولەمدەر ءتۇسىپ وتىرعان.
سوت سانكتسياسىمەن 182 736,741 USDT كولەمىندەگى كريپتواكتيۆتەرگە تىيىم سالىندى.
بۇعان دەيىن بلوگەر ءوزىنىڭ الەۋمەتتىك جەلىدەگى پاراقشاسىندا وزىنە سالىنعان ىزدەۋگە قاتىستى پىكىر بىلدىرگەن ەدى.
