ونىڭ ايتۋىنشا, بۇل حالقى شامامەن 540 مىڭ ادامدى قۇرايتىن 142 اۋىلدى ساپالى اۋىز سۋمەن قامتۋعا مۇمكىندىك بەرەدى.
«نەگىزگى نىسانداردىڭ ءبىرى – شاردارا توپتىق سۋ قۇبىرى بولماق, ونىڭ قۇرىلىسى 2026 جىلدىڭ شىلدەسىندە اياقتالىپ, شاردارا قالاسىن جەراستى كوزدەرىنەن اۋىز سۋمەن قامتاماسىز ەتەدى. نىسان پايدالانۋعا بەرىلگەننەن كەيىن قالانىڭ اۋىز سۋمەن قامتاماسىز ەتىلۋى تولىعىمەن جاڭا سۋ قۇبىرى ەسەبىنەن جۇزەگە اسىرىلادى. وسىنىڭ ارقاسىندا شاردارا سۋ قويماسىنداعى سۋ كولەمىنىڭ ازايۋى سۋ تاپشىلىعىن تۋدىرمايدى», دەپ اتاپ ءوتتى نۇرجان نۇرجىگىتوۆ.
سونىمەن قاتار مينيسترلىك ەلدىڭ ءۇش وبلىسىندا 5 جوبا بويىنشا جوبالىق-سمەتالىق قۇجاتتامانى ازىرلەۋ جۇمىستارىن جالعاستىرۋدا, ولاردىڭ اياسىندا ءىرى توپتىق سۋ قۇبىرلارىنىڭ باس قۇرىلىسجايلارىن سالۋ كوزدەلگەن.
جوبالىق-سمەتالىق قۇجاتتامانى ازىرلەۋ جانە ساراپتاما قورىتىندىسىن الۋدى اياقتاۋ 2026 جىلدىڭ ءبىرىنشى جارتىجىلدىعىندا جوسپارلانىپ وتىر, سودان كەيىن ولاردى قارجىلاندىرۋ ماسەلەسى قاراستىرىلادى.
بۇعان دەيىن مينيستر ۇكىمەت وتىرىسىندا 2028 جىلعا قاراي 3,6 ملن «اقىلدى» سۋ ەسەپتەۋ قۇرىلعىلارى قولدانىسقا بەرىلەتىنىن ايتتى. سونداي-اق ونەركاسىپ جانە قۇرىلىس ۆيتسە-ءمينيسترى قۋاندىق قاجكەنوۆتىڭ ايتۋىنشا, مەملەكەت باسشىسىنىڭ حالىقتى 2025 جىلدىڭ سوڭىنا دەيىن اۋىز سۋمەن قامتاماسىز ەتۋ جونىندەگى تاپسىرمانى ورىنداۋ بارىسىندا رەسپۋبليكالىق بيۋدجەتتەن شامامەن 835 ملرد تەڭگە بولىنگەن. بولىنگەن قاراجاتقا 34 قالا مەن 756 اۋىل ورتالىقتاندىرىلعان سۋ جۇيەسىمەن قامتىلدى.
