وڭىردەگى وسىنداي العاشقى مەملەكەتتىك مەكەمەدە بالالارعا كۇندىزگى مەزگىلدە جانە تاۋلىك بويى فورماتتارىندا كومەك كورسەتىلەدى. ورتالىق ءار بالانىڭ جەكە قاجەتتىلىكتەرىنە نەگىزدەلگەن تەگىن تۇزەتۋ جانە دامىتۋ باعدارلامالارىن, الەۋمەتتىك بەيىمدەلۋ قىزمەتتەرىن جانە كۇتىم تۇرلەرىن ۇسىنادى. دەپۋتاتتار مەكەمەنىڭ جۇمىس جاعدايىمەن تانىسىپ, پەداگوگتارمەن اڭگىمەلەستى, سونداي-اق اقمولا وبلىسىندا ينكليۋزيۆتى ورتانى ودان ءارى دامىتۋ جولدارىن تالقىلادى.
دەپۋتات اينا ءمىسىرالىموۆا ەرەكشە قاجەتتىلىكتەرى بار بالالاردى قولداۋ مەملەكەتتىڭ باسىم مىندەتتەرىنىڭ ءبىرى ەكەنىن اتاپ ءوتتى.
– پرەزيدەنت قاسىم-جومارت توقاەۆ ناقتى تاپسىرما بەردى, ءار وڭىردە ەرەكشە بالالاردى وڭالتۋ جانە دامىتۋ ورتالىقتارىن اشۋ كەرەك. كوكشەتاۋ قالاسىندا ەندى وسىنداي ورتالىق بار. مۇنداي مەكەمەلەردى جاي اشىپ قانا قويماي, ءتيىستى ماماندارمەن, ادىستەمەلەرمەن قامتاماسىز ەتۋ, تۇراقتى قارجىلاندىرىپ تۇرۋ وتە ماڭىزدى. بۇگىندە اقمولا وبلىسى بويىنشا 30 مىڭعا جۋىق مۇگەدەك ادام بار, ونىڭ ىشىندە 3 مىڭنان استامى بالا. مەملەكەتتىڭ مىندەتى – ولاردىڭ قوعامعا بەيىمدەلىپ, تولاققاندى ءومىر سۇرۋىنە جاعداي جاساۋ, – دەدى ول.
دەپۋتاتتار سونداي-اق پارلامەنتتىڭ كەدەرگىسىز ورتانى زاڭنامالىق تۇرعىدا جەتىلدىرۋگە باعىتتالعان جۇمىسىنا ءمان بەردى. اتاپ ايتقاندا, مەملەكەت باسشىسى جاقىندا قول قويعان قۇرىلىس كودەكسىندە نىسانداردىڭ قولجەتىمدىلىگى بازالىق باسىمدىق رەتىندە بەكىتىلگەن. ياعني, ەندىگى ۋاقىتتا كەدەرگىسىز ورتاعا قويىلاتىن تالاپتار تۇرعىن جانە وندىرىستىك عيماراتتاردى جوبالاۋ كەزەڭىندە قاتاڭ باقىلانادى.
وڭىردە ينكليۋزيۆتى ورتا قالىپتاستىرۋ شەڭبەرىندە 116 رەيد جۇرگىزىلىپ, 192 ينفراقۇرىلىم وبەكتىسى تەكسەرىلگەن. سونىڭ ناتيجەسىندە 80 بۇزۋشىلىق انىقتالدى.
بۇگىنگى تاڭدا وبلىستا 127 ينكليۋزيا كابينەتى جۇمىس ىستەيدى, وعان 2667 بالا قاتىسادى. سونداي-اق 8 بەيىمدەلگەن سپورت سەكتسياسى بار. وبلىستا جۇمىسپەن قامتۋ جەلىسى بويىنشا 80 تاقىرىپتىق بوس جۇمىس ورىندارى جارمەڭكەسى ۇيىمداستىرىلىپ, 413 مۇگەدەك ادام تۇراقتى جۇمىس ورىندارىنا ورنالاستىرىلدى.
