بەرىك اسىلوۆتىڭ ايتۋىنشا, مەملەكەتتىك قاراجاتتى يگەرۋ, مەملەكەتتىك ساتىپ الۋ, قورشاعان ورتانى قورعاۋ, جەر قويناۋىن پايدالانۋ جانە جەردى ۇتىمدى پايدالانۋ سالالارىندا 470 ملرد تەڭگەگە جۋىق اقشا مەن م ۇلىك مەملەكەت پايداسىنا وندىرىلگەن.
«باس پروكۋراتۋرا قارجى جانە ادىلەت مينيسترلىكتەرىمەن بىرلەسىپ مەملەكەتتىك م ۇلىكتى باسقارۋدىڭ زاڭدىلىعىنا جۇرگىزىلگەن ءبىر عانا تەكسەرۋدىڭ ناتيجەسىندە 3 جىلدان استام ۋاقىت بويى شوتتاردا بۇعاتتالىپ تۇرعان جانە بيۋدجەتكە تولەنبەگەن 193 ملرد ديۆيدەندتەردى تولەۋ بويىنشا شارالار قابىلداندى. مەملەكەت مەنشىگىنە الاتاۋدىڭ تاۋ ەتەگىندە, كاسپي تەڭىزىنىڭ جاعالاۋىندا, بۋراباي ۇلتتىق پاركىندە ورنالاسقان وليگوپوليالاردىڭ جەرى, سونداي-اق جىلدار بويى ماقساتتى تۇردە پايدالانىلماعان قوعامدىق جايىلىمدار مەن وزگە دە القاپتار – اۋىل شارۋاشىلىعى ماقساتىنداعى جەردىڭ بارلىعى 800 مىڭ گەكتار قايتارىلدى», دەپ جازدى بەرىك اسىلوۆ X (Twitter) الەۋمەتتىك جەلىسىندەگى پاراقشاسىندا.پاۆلوداردا قۇنى 100 ملن تەڭگە تۇراتىن جەر مەملەكەتكە قايتارىلدى
ناتيجەسىندە بىرقاتار وڭىردە جايىلىم تاپشىلىعى ماسەلەسى ءىس جۇزىندە شەشىلدى, پروكۋرورلار اۋىلدىق اۋماقتاردىڭ بارلىق تۇرعىندارىنا ولاردى پايدالانۋ مۇمكىندىگى مەن قولجەتىمدىلىگىن قامتاماسىز ەتتى.
«پرەزيدەنت بەكىتكەن ىشكى ساياسات قاعيداتتارى مەن «تازا قازاقستان» تۇجىرىمداماسى اياسىندا تابيعات پايدالانۋشىلارمەن كەلتىرىلگەن 25 ملرد كولەمىندەگى ەكولوگيالىق زالال وتەلدى. تسيفرلىق تەحنولوگيالاردى, عارىشتىق مونيتورينگتى جانە جاساندى ينتەللەكت ەلەمەنتتەرىن پايدالانا وتىرىپ, پروكۋرورلار ەكولوگتارمەن بىرلەسىپ 3,8 مىڭنان استام زاڭسىز قوقىس ورىندارىن جويدى», دەپ جازدى بەرىك اسىلوۆ.
پروكۋرورلىق قاداعالاۋ اكتىلەرى بويىنشا قۇرىلىس سالۋشىلارمەن بىرگە 300 مىڭنان استام جاڭا جاسىل جەلەكتەر وتىرعىزىلدى.
مەملەكەتتىك باسقارۋدىڭ تيىمدىلىگىن ارتتىرۋ تۋرالى پرەزيدەنتتىڭ جارلىعىن ورىنداۋ شەڭبەرىندە پروكۋرورلار جەرگىلىكتى اتقارۋشى ورگانداردىڭ شىعىستارىن وڭتايلاندىرىپ, 255 ملرد تەڭگە كولەمىندەگى قاجەتسىز مەملەكەتتىك شىعىنداردىڭ جولىن كەستى.
«پاۆلودار مەن اتىراۋدا جەرگىلىكتى ورگاندار ارنايى تەحنيكا مەن پاتەرلەردى نارىقتىق باعاسىنان ءۇش ەسە قىمبات باعامەن ساتىپ الۋدى جوسپارلاعان. پروكۋرورلار بۇل ساتىپ الۋلاردى توقتاتىپ, قاراجات وزگە الەۋمەتتىك قاجەتتىلىكتەرگە جانە ينفراقۇرىلىمدى جاقسارتۋعا باعىتتالدى», دەدى باس پروكۋرور.
پروكۋرورلاردىڭ ءوتىنىشحاتتارى مەن نارازىلىقتارى بويىنشا 300-دەن استام ازاماتتىق جانە اكىمشىلىك ءىس بويىنشا شەشىمدەر قايتا قارالدى, ونىڭ ىشىندە مەملەكەت پايداسىنا 22 ملرد تەڭگە ءوندىرىلدى.
«مىسالى, مەنىڭ نارازىلىعىم بويىنشا مەملەكەتتەن ەكى جەكە كومپانيانىڭ كرەديتتىك بەرەشەگى ءۇشىن 1,2 ملرد تەڭگە ءوندىرىپ الۋ جويىلدى. كەرىسىنشە, مەنىڭ نارازىلىعىم بويىنشا ورىندالماعان قارۋ-جاراقتى جوندەۋ جۇمىستارى ءۇشىن مەملەكەتتىك قورعانىس تاپسىرىسىنىڭ پايداسىنا 800 ملن تەڭگە ءوندىرىلدى», دەدى بەرىك اسىلوۆ.
قوعام مەن مەملەكەتتىڭ ەكونوميكالىق مۇددەلەرىن قورعاۋ سالاسىنداعى پروكۋرورلىق قاداعالاۋدىڭ تيىمدىلىگى, سونىڭ ىشىندە تسيفرلىق تەحنولوگيالار مەن جاساندى ينتەللەكت ەلەمەنتتەرىن جۇمىسقا ەنگىزۋ ەسەبىنەن ارتىپ كەلەدى.
2 ملن گەكتار پايدالانىلماعان جەر مەرزىمىنەن بۇرىن مەملەكەت مەنشىگىنە قايتارىلدى
