فوتو: ABCTVnew
South China Morning Post مالىمەتىنشە, پاندالار ۆولەرلەرىندە اپتا سايىن ەكسكۋرسيالار وتكىزىلەدى. بۇل ەكسكۋرسيالار ايۋلار زووباقتان اكەتىلگەننەن كەيىن قايتادان كوپشىلىككە اشىلعان. قازىرگى ۋاقىتتا پاندالاردىڭ ورنىنا زووباق قىزمەتكەرلەرى اڭ كوستيۋمىن كيىپ, كەلۋشىلەر الدىندا «ونەر كورسەتەدى».
جاپونيا اباي وبلىسىنا 7 ملن دوللاردان استام قاراجات بولەدى
ەكسكۋرسيا بارىسىندا كەلۋشىلەر «پاندالاردى» تاماقتاندىرا الادى. الەۋمەتتىك جەلىلەردە تاراعان ۆيدەولاردىڭ بىرىندە پاندا قالپاعىن كيگەن قىزمەتكەر كەلۋشى سىيلاعان المانى جەپ وتىرعانداي كەيىپ تانىتادى.
ەكسكۋرسيا سوڭىندا قاتىسۋشىلارعا ارنايى سەرتيفيكاتتار تابىستالادى.
اتالعان شارا زووباقتىڭ قوعاممەن بايلانىس ءبولىمى قىزمەتكەرى باستاماشى بولعان «پاندالاردى ءسۇيۋ كلۋبى» جوباسى اياسىندا جۇزەگە اسىرىلىپ جاتىر. جوبا اياسىندا ەكسكۋرسيالاردان بولەك, دارىستەر, سونداي-اق كۇتۋشىلەردىڭ پاندالارعا قاتىستى ەستەلىكتەرى مەن اڭگىمەلەرى ۇيىمداستىرىلادى.
جاپونيا الەمدەگى ەڭ ءىرى اەس-ءتى ىسكە قوسۋ تۋرالى شەشىم قابىلدادى
جەلى قولدانۋشىلارى بۇل باستاماعا ءارتۇرلى پىكىر بىلدىرگەن.
– بۇل اۆانگارد تەاترعا ۇقسايدى, – دەپ جازدى ءبىر پىكىر قالدىرۋشى.
– كورىنىس سونشالىقتى سيۋررەاليستىك, ءتىپتى جاساندى ينتەللەكت جاساعان دۇنيە دەپ ويلادىم, – دەدى تاعى ءبىرى.
– بۇل شارا كۇتۋشىلەردىڭ تاجىريبەسىن جوعالتپاۋ ءۇشىن ۇيىمداستىرىلعان بولۋى مۇمكىن. الايدا ەندى جوق نارسەنى ەسكە الۋدىڭ ءوزى ءبىرتۇرلى ءارى مۇڭدى كورىنەدى, – دەپ پىكىر ءبىلدىردى تاعى ءبىر قولدانۋشى.
بۇعان دەيىن مادەني مۇرانى ساقتاۋدىڭ جاپوندىق ۇلگىسى تۋرالى جازعانبىز.
