فوتو: depositphotos.com
«اقىلدى» كامەرالار تەك بولىپ جاتقان جاعدايدى تىركەپ قانا قويماي, قىلمىستاردىڭ الدىن الۋعا جانە ولاردى ناقتى ۋاقىت رەجيمىندە اشۋعا كومەكتەسەدى. جەدەل باسقارۋ ورتالىعىندا پوليتسيا قىزمەتكەرلەرى احۋالدى ونلاين باقىلاپ وتىر. جۇيەگە 7 مىڭنان استام بەينەباقىلاۋ كامەراسى قوسىلعان. وتكەن جىلى جۇيە كۇشەيتىلىپ, جي ەلەمەنتتەرى بار 300 «اقىلدى» كەشەن ورناتىلدى.
كامەرالار بەت-الپەتتى جانە اۆتوكولىك نومىرلەرىن تانيدى, جول قوزعالىسى ەرەجەلەرىنىڭ بۇزىلۋىن, ءتىپتى بەلگىلەنبەگەن جەرگە قوقىس تاستاۋ سياقتى ۇساق قۇقىقبۇزۋشىلىقتاردى دا تىركەيدى. مۇنداي ارەكەتتەر ءۇشىن ايىپپۇل قاراستىرىلعان.
قوسشىدا جاساندى ينتەللەكتىسى بار 1,5 مىڭ كامەرا ىسكە قوسىلدى
جۇيە قاتتى تۇرمىستىق قالدىقتار جينالاتىن ورىننىڭ اينالاسىن باقىلاۋعا الادى. ەگەر ازامات قوقىستى كونتەينەرگە ەمەس, جانىنا تاستاسا, جۇيە اۆتوماتتى تۇردە سيگنال بەرەدى.
وسىنداي جەدەل باسقارۋ ورتالىقتارى وبلىستىڭ 8 اۋدانىندا جۇمىس ىستەپ تۇر. بيىل تاعى 4 اۋدان ورتالىعىندا اشۋ جوسپارلانعان.
24.kz-ءتىڭ حابارلاۋىنشا, جەدەل باسقارۋ ورتالىعى كامەرالاردىڭ كومەگىمەن 115 قىلمىستىڭ بەتىن اشتى, ونىڭ ەكەۋى – اۋىر قىلمىستار. سونىمەن قاتار 23 مىڭ اكىمشىلىك قۇقىقبۇزۋشىلىق انىقتالدى. تەحنولوگيالىق جاڭعىرتۋ تەك ستاتسيونارلىق كامەرالارمەن شەكتەلمەدى. پوليتسيا قىزمەتكەرلەرى اۆتوماتتى تىركەۋدىڭ ءموبيلدى كەشەندەرىمەن قامتاماسىز ەتىلىپ, 800 بەينەجەتون جاڭارتىلدى. ولار ىزدەۋدە جۇرگەن ادامداردى دا بەت-الپەتى ارقىلى تاني الادى.
