IT سالاسىنداعى Cloudflare كومپانياسىنىڭ دەرەكتەرىنە سايكەس, سەنبى كۇنى ينتەرنەت-ترافيك شامامەن ۇشتەن بىرىنە تومەندەگەن, ال جەكسەنبى كۇنى تاڭەرتەڭ تاعى 15 پايىزعا ازايعان.
الەۋمەتتىك جەلى قولدانۋشىلارى جاپپاي ىستەن شىعۋلار بولىپ جاتقانىن حابارلادى.
يران بيلىگى بۇعان دەيىن دە ينتەرنەتتى 2009, 2019 جانە 2022 جىلدارداعى نارازىلىقتار كەزىندە, سونداي-اق وتكەن جىلدىڭ ماۋسىمىندا يزرايلمەن بولعان 12 كۇندىك سوعىس كەزىندە شەكتەگەن ەدى.
يرانداعى قاقتىعىس: قۇرباندار سانى ارتىپ, جاعداي ۋشىعىپ بارادى
ساراپشىلاردىڭ ايتۋىنشا, مۇنداي شەكتەۋلەردىڭ باستى ماقساتى — شەرۋلەردى ۇيىمداستىرۋدى قيىنداتۋ جانە نارازىلىقتاردان فوتو مەن ۆيدەولاردىڭ تارالۋىنا كەدەرگى كەلتىرۋ.
وسى ۋاقىتتا قۇقىق قورعاۋ ۇيىمدارىنىڭ مالىمەتىنشە, ەلدىڭ باتىسىنداعى مالەكشاحي اۋدانىندا بولعان سوڭعى قاقتىعىستار كەزىندە كەمىندە ءتورت ادام قازا تاۋىپ, ونداعان ادام جارالانعان. بۇل وڭىردە كۇرد ۇلتىنان شىققان يراندىقتار كوپ تۇرادى.
بۇعان دەيىن يراندىق باق يسلام رەۆوليۋتسياسى ساقشىلار كورپۋسىنىڭ ءبىر جاۋىنگەرى مەن «باسيدج» پاراميليتارلىق جاساقتارىنىڭ ءبىر مۇشەسى قازا تاپقانىن حابارلاعان.
يرانداعى نارازىلىقتار ءبىر اپتادان استام ۋاقىتتان بەرى جالعاسىپ كەلەدى. العاشىندا شەرۋلەر تەگەراندا باستالىپ, كەيىن باسقا قالالارداعى ستۋدەنتتەر قوسىلعان.
