حالىقارالىق قاتىناستار جۇيەسىندەگى قازاقستان
ءبىر جىل ىشىندە مەملەكەت باسشىسى 23 رەت شەتەلگە شىقتى. ونىڭ ىشىندە رەسەيگە جانە وزبەكستانعا مەملەكەتتىك ساپارمەن باردى. قحر, يوردانيا, تۇركيا, قىرعىزستان جانە جاپونيا سەكىلدى ەلدەرگە 5 رەسمي ساپار ۇيىمداستىرىلدى. رەسەي (ەكى رەت), اقش (ەكى رەت), تۇرىكمەنستان (ەكى رەت), ءباا, وزبەكستان, ازەربايجان, تاجىكستان جانە قىرعىزستان سياقتى مەملەكەتتەرگە 16 مارتە جۇمىس ساپارىمەن باردى.
شەتەلدىك ساپارلاردا ساۋدا-ەكونوميكالىق, كولىك-لوگيستيكالىق جانە ينۆەستيتسيالىق ىقپالداستىقتى نىعايتۋعا ايرىقشا ءمان بەرىلدى.
حالىقارالىق كەزدەسۋلەر كەزىندە جالپى سوماسى 70 ميلليارد دوللاردان اساتىن كوممەرتسيالىق كەلىسىمدەر جاسالدى.
پرەزيدەنت شەت مەملەكەتتەردىڭ ۇكىمەت باسشىلارىمەن, باسقا دا جوعارى لاۋازىمدى تۇلعالارىمەن, حالىقارالىق قۇرىلىمدار جەتەكشىلەرىمەن, ىسكەرلىك توپ وكىلدەرىمەن جانە ساراپشىلارمەن 186 كەزدەسۋ وتكىزدى.
قازاقستان حالىقارالىق ديالوگتىڭ بەلسەندى الاڭىنا اينالدى
2025 جىلى شەت مەملەكەتتەردىڭ باسشىلارى قازاقستانعا 30 رەت cاپارمەن كەلدى. ولاردىڭ اراسىندا قحر, يتاليا (ەكى رەت), گرۋزيا, وزبەكستان, سلوۆەنيا, ۆەتنام, ءباا, رۋاندا, سولتۇستىك ماكەدونيا, بولگاريا, سلوۆاكيا, يوردانيا, كونگو دەموكراتيالىق رەسپۋبليكاسى, ميانما, ماجارستان, ازەربايجان, فينليانديا, ەستونيا, ارمەنيا, تۇرىكمەنستان, شۆەيتساريا جانە يران ەلدەرىنىڭ مەملەكەت جانە ۇكىمەت باسشىلارى بار.
قاسىم-جومارت توقاەۆ وزگە دە پرەزيدەنتتەرمەن 43 مارتە تەلەفون ارقىلى سويلەستى. بۇدان بولەك, 4 رەسمي ءراسىم بارىسىندا 30 مەملەكەتتىڭ ەلشىلەرىنەن سەنىم گراموتالارىن قابىلدادى.
ايتا كەتەيىك, ءبىر جىل ىشىندە پرەزيدەنت وڭىرلەرگە جانە شەت مەملەكەتتەرگە جاساعان ساپارى بارىسىندا 168 960 شاقىرىم جول ءجۇردى. 252 ساعات ۋاقىتىن ۇشاقتا وتكىزدى.
