ۇكىمەت
بۇل تۋرالى ۇكىمەتتىڭ قورىتىندى ءباسپاسوز كونفەرەنتسياسىندا وقۋ-اعارتۋ ءبىرىنشى ۆيتسە-ءمينيسترى مايرا مەلدەبەكوۆا مالىمدەدى. ونىڭ ايتۋىنشا, پرەزيدەنت تاپسىرماسىنا سايكەس مەكتەپتەردە بالالاردىڭ قاۋىپسىزدىگى مەن پسيحولوگيالىق ءال-اۋقاتىنا باسىمدىق بەرىلىپ وتىر.
ۆيتسە-ءمينيستردىڭ سوزىنشە, 2025 جىلعى 1 قىركۇيەكتەن باستاپ ءبىلىم بەرۋ ۇيىمدارىندا جاڭا تاماقتانۋ ستاندارتى ەنگىزىلگەن. قازىرگى تاڭدا ەلىمىزدە 1,7 ميلليون وقۋشى تەگىن تاماقپەن قامتىلعان. سونىمەن قاتار جاڭا وقۋ جىلىنان باستاپ بارلىق مەكتەپتەر مەن كوللەدجدەردە «دوسبولLike» انتيبۋللينگتىك باعدارلاماسى جانە «جەكە قاۋىپسىزدىك» ساباقتارى ىسكە قوسىلعان.
مايرا مەلدەبەكوۆا مەملەكەت باسشىسىنىڭ تاپسىرماسىمەن ەلىمىزدىڭ 20 وڭىرىندە پسيحولوگيالىق قولداۋ ورتالىقتارى اشىلعانىن دا اتاپ ءوتتى.
«جىل باسىنان بەرى بۇل ورتالىقتاردا 35 مىڭ بالا مەن اتا-اناعا پسيحولوگيالىق كومەك كورسەتىلدى», دەدى ول.
ايتا كەتەيىك, قابىلدانعان شارالار ءبىلىم بەرۋ ۇيىمدارىندا زورلىق-زومبىلىقتىڭ الدىن الۋعا, بالالاردىڭ قۇقىقتارىن قورعاۋدى كۇشەيتۋگە جانە مەكتەپتەردە قولايلى ءارى قاۋىپسىز ورتا قالىپتاستىرۋعا باعىتتالعان.
