فوتو: istockphoto.com
توتەنشە جاعدايلار مينيسترلىگىنىڭ مالىمەتىنشە, 2026 جىلعى 26 مامىردا استانا ۋاقىتىمەن 11:28-دە سەيسميكالىق ستانتسيالار جەر سىلكىنىسىن تىركەگەن. ەپيتسەنتر پاۆلودار وبلىسى اۋماعىندا, باياناۋىل اۋدانى, باياناۋىل اۋىلى ماڭىندا ورنالاسقان.
مينيسترلىكتىڭ دەرەگىنشە, جەر سىلكىنىسىنىڭ سەزىلۋ كۇشى MSK-64 شكالاسى بويىنشا 2 باللدى قۇراعان.
دەگەنمەن الەۋمەتتىك جەلىلەردە تۇرعىندار دۇمپۋلەردىڭ ايتارلىقتاي سەزىلگەنىن ايتىپ, ۇيلەردە جيھازداردىڭ قوزعالعانىن, ىدىستاردىڭ قۇلاعانىن جازدى.
قازىر رەسمي ورگاندار جاعدايدى ناقتىلاپ جاتقانىن جەتكىزدى. سونداي-اق جاعدايدى ۇيلەستىرۋ جانە باقىلاۋ ماقساتىندا توتەنشە جاعدايلار مينيسترلىگى پاۆلودار وبلىسى دەپارتامەنتى بازاسىندا جەدەل شتاب قۇرىلعان.
ەسكە سالا كەتەيىك, 3 مامىردا ساعات 09:50-دە كاسپي تەڭىزىندە جەر سىلكىنگەن بولاتىن.
