فوتو: primeminister.kz
بىرنەشە ساعاتقا سوزىلعان اشىق تالقىلاۋ بارىسىندا جوباعا قاتىستى ەكونوميكالىق, تۋريستىك, الەۋمەتتىك جانە ەكولوگيالىق ماسەلەلەر كەڭىنەن قاراستىرىلىپ, قوعام وكىلدەرى مەن ساراپشىلار, ەكولوگتار مەن كاسىپكەرلەر, سپورت سالاسىنىڭ ماماندارى مەن قالا تۇرعىندارى ءوز پىكىرلەرىن ءبىلدىردى.
قوعامدىق تىڭداۋ كەزىندە جوبانىڭ ەكونوميكالىق تيىمدىلىگىنە دە ەرەكشە نازار اۋدارىلدى. سپيكەرلەردىڭ ايتۋىنشا, تاۋ كلاستەرىن دامىتۋ مىڭداعان جاڭا جۇمىس ورنىن اشۋعا مۇمكىندىك بەرەدى. جوبا تولىق ىسكە اسقان جاعدايدا شامامەن 20 مىڭعا جۋىق ادام جۇمىسپەن قامتىلادى دەپ كۇتىلەدى.
تىڭداۋ بارىسىندا جاستار ماسەلەسى دە قوزعالدى. قاتىسۋشىلار حالىقارالىق دەڭگەيدەگى تۋريستىك جوبالاردىڭ جۇزەگە اسۋى جاستارعا جاڭا مۇمكىندىكتەر اشىپ, ولاردىڭ شەتەلگە كەتۋ دەڭگەيىن تومەندەتۋگە اسەر ەتۋى مۇمكىن ەكەنىن اتاپ ءوتتى.
بۇدان بولەك, ەكولوگيالىق قاۋىپسىزدىك ماسەلەلەرى دە كەڭىنەن تالقىلاندى. جوبا وكىلدەرى قۇرىلىس حالىقارالىق ەكولوگيالىق تالاپتاردى ەسكەرە وتىرىپ جۇرگىزىلەتىنىن جانە تابيعي لاندشافتقا تۇسەتىن جۇكتەمەنى ازايتۋ بويىنشا ارنايى شارالار قاراستىرىلعانىن مالىمدەدى. سونداي-اق جاۋاپتىلار قوعامدىق باقىلاۋ مەن ساراپتامالىق مونيتورينگ جالعاساتىنىن ايتتى.
اندرەي كۋكۋشكين: الماتى تاۋ كلاستەرىنىڭ ەكونوميكاعا قىزمەت ەتەتىن كەزى كەلدى
وسىلايشا بىرنەشە ساعاتقا سوزىلعان اشىق تالقىلاۋلار ناتيجەسىندە تۋريستىك جوبا باسىم داۋىسپەن قولداۋ تاپتى. الداعى ۋاقىتتا تەحنيكالىق قۇجاتتاردى ازىرلەۋ, مەملەكەتتىك ساراپتامالاردان وتكىزۋ جانە ينفراقۇرىلىمدىق دايىندىق جۇمىستارى كەزەڭ-كەزەڭىمەن جۇرگىزىلمەك.
