فوتو: Depositphotos.سom
ءمينيستردىڭ ايتۋىنشا, الەۋمەتتىك جەلىلەردە استاناداعى كەيبىر ەمتيحان تاپسىرۋ ورىندارىندا جارىقتىڭ ءوشىپ قالعانى تۋرالى اقپارات تاراعان.
«جۋىردا Threads جەلىسىندە استاناداعى مەكتەپتەردىڭ بىرىندە جارىق ءوشىپ قالىپ, تالاپكەرلەر 140 بالل جينادى دەگەن اقپارات بەلسەندى تارادى. بىراق ازىرگە 140 بالل جيناعان بىردە-ءبىر تالاپكەر جوق. وكىنىشكە قاراي, مۇنداي جالعان اقپارات كوپ تارالادى. دەگەنمەن, راسىمەن دە ەلەكتر قۋاتى وشكەن, تەحنيكالىق اقاۋ بولعان بىرنەشە جاعداي كەزدەستى. ءبىز ءاربىر جاعدايدى جەكە قاراستىرىپ جاتىرمىز. سول كۇنى تەست تاپسىرعانداردىڭ بارلىعى بويىنشا بولەك باعالاۋ جۇرگىزىلەدى. بۇل بويىنشا ارنايى ءراسىم قاراستىرىلعان», دەدى مينيستر ۇكىمەتتەگى بريفينگ بارىسىندا.
بۇعان دەيىن قازاقستاندا ۇلتتىق بىرىڭعاي تەستىلەۋدىڭ ەكىنشى اپتاسىندا ەرەجەنى بۇزۋدىڭ 178 دەرەگى انىقتالعانى ايتىلعان.
بيىل ۇبت تاپسىرۋعا 239 مىڭنان استام تالاپكەر تىركەلگەنى تۋرالى جازعانبىز.
