فوتو:istockphoto.com
ماماننىڭ سوزىنشە, الماتى تاۋ كلاستەرىندەگى كولىك جۇيەسىن دامىتۋ جۇمىستارى سوڭعى ءۇش جىل بويى جۇرگىزىلىپ كەلەدى. 2024 جىلى كىشى الماتى شاتقالى بويىنشا كولىك قولجەتىمدىلىگى تۇجىرىمداماسى ازىرلەنسە, 2025 جىلى ۇلكەن الماتى شاتقالىنا قاتىستى جاڭا كونتسەپتسيا دايىندالعان.
«تۇجىرىمداما اياسىندا جەكە اۆتوكولىكتەردىڭ كىرۋىن شەكتەلگەنىمەن, قوعامدىق كولىك ارقىلى قاتىناۋ قولجەتىمدىلىگى قاراستىرىلعان», دەدى ول.
جوبا اياسىندا ارنايى پەرەحۆاتتىق تۇراقتار سالۋ جوسپارلانعان. ولار قالانىڭ ىشىندە دە, تاۋ باعىتىنداعى جولداردىڭ بويىندا دا ورنالاسادى. ارتۋر شاحبازياننىڭ سوزىنشە, جۇرگىزۋشىلەر كولىكتەرىن سول تۇراقتارعا قالدىرىپ, ارى قاراي شاتتلدارمەن قاتىناي الادى.
«جوسپار بويىنشا, باعىتتارعا 30 ادامعا دەيىن سىياتىن شاتتلدار مەن ەلەكترلى شاعىن اۆتوبۋستار قاتىنايدى. ولار تۋريستىك كۋرورت ينفراقۇرىلىمىمەن بىرگە ىسكە قوسىلماق. شاتتلدار كەمىندە ءار 10 مينۋت سايىن قاتىنايدى. سونىمەن قاتار 12, 21, 28 جانە ۇلكەن الماتى شاتقالىنا قاتىنايتىن 211 باعىتتاعى اۆتوبۋستاردىڭ جۇمىسى كۇشەيتىلەدى», دەدى مامان.
الايدا جاڭا ينفراقۇرىلىم بارلىق كولىككە اشىق بولمايدى. كەيبىر جولدار تەك شاتتلدارعا, قوعامدىق كولىككە جانە قىزمەتتىك كولىكتەرگە ارنالعان.
شىمبۇلاق پەن Oi-Qaragai كۋرورتتارىن بايلانىستىراتىن اسپالى جولدار سالىنادى
ماماننىڭ ايتۋىنشا, مۇنداعى نەگىزگى ماقسات جولدى كەڭەيتۋ ەمەس, كولىك اعىندارىن ءتيىمدى باسقارۋ. ونىڭ پىكىرىنشە, كەپتەلىستەر كولىك سانىنىڭ كوپتىگىنەن ەمەس, قوزعالىستىڭ دۇرىس ۇيىمداستىرىلماۋىنان تۋىندايدى.
ايتا كەتەيىك, جوبالىق شەشىمدەر قازىرگى ۋاقىتتا كوكجايلاۋ مەن الماتى تاۋ كۋرورتى جوباسىن ازىرلەۋ پروتسەسىندە قاراستىرىلىپ جاتىر.
