فوتو: اشىق دەرەككوز
ول الداعى 2026-2027 وقۋ جىلىنا 89 457 مەملەكەتتىك گرانت بولىنگەنىن اتاپ ءوتتى. ولاردىڭ ىشىندە:
- باكالاۆرياتقا – 75 371;
- ماگيستراتۋراعا – 11 007;
- دوكتورانتۋراعا – 3 079.
مەملەكەتتىك تاپسىرىستى ءبولۋ ەل ەكونوميكاسىنىڭ 2030 جىلعا دەيىنگى قاجەتتىلىك بولجامىمەن سايكەستەندىرىلگەن.
«گرانتتاردىڭ 60%-ى ينجەنەرلىك-تەحنيكالىق جانە اۋىل شارۋاشىلىعى ماماندىقتارىنا, 21%-ى پەداگوگ كادرلاردى دايارلاۋعا باعىتتالعان», دەپ اتاپ ءوتتى ساياسات نۇربەك.
ۆەدومستۆو مالىمەتىنشە:
- ينجەنەرلىك, وڭدەۋ جانە قۇرىلىس سالالارىنا – 19 250;
- پەداگوگيكالىق عىلىمدارعا – 13 738;
- اقپاراتتىق-كوممۋنيكاتسيالىق تەحنولوگيالار بويىنشا – 11 662;
- جاراتىلىستانۋ عىلىمدارى, ماتەماتيكا جانە ستاتيستيكاعا – 9 363;
- اۋىل شارۋاشىلىعى جانە بيورەسۋرستارعا – 3 145;
- دەنساۋلىق ساقتاۋ سالاسىنا – 2 700;
- قىزمەتتەر بويىنشا – 2 400;
- ونەر جانە گۋمانيتارلىق عىلىمدارعا – 1 915;
- الەۋمەتتىك عىلىمدار, جۋرناليستيكا جانە اقپارات بويىنشا – 1 485;
- بيزنەس, باسقارۋ جانە قۇقىققا – 1 423;
- ۆەتەرينارياعا – 1 275 گرانت بولىنگەن.
وعان قوسىمشا ەلىمىزدىڭ جوعارى وقۋ ورىندارى «سەرپىن» باعدارلاماسى اياسىندا كاسىپتىك باعدار بەرۋ جۇمىستارىن جۇرگىزىپ جاتىر. ءىس-شارالارمەن 13 مىڭنان استام وقۋشى, 2 مىڭعا جۋىق اتا-انا جانە 700-دەن استام كاسىپتىك باعدار بەرۋشى قامتىلعان.
وسىلايشا, بۇگىندە وقۋشىنىڭ كاسىبي دياگنوستيكاسىنان باستاپ ءبىلىم بەرۋ باعدارلاماسىن تاڭداۋعا جانە ءارى قاراي جۇمىسقا ورنالاسۋعا دەيىنگى ءبىلىم بەرۋ ناۆيگاتسياسىنىڭ ءبىرتۇتاس جۇيەسى قالىپتاسىپ وتىر.
ايتا كەتەيىك, بيىل وقۋ جىلىن اياقتاعان وقۋشىلار سانى سوڭعى 25 جىلداعى ەڭ جوعارى كورسەتكىشكە جەتتى.
