فوتو: وقۋ-اعارتۋ مينيسترلىگى
جازعى دەمالىس ماۋسىمىندا بالالاردى قامتۋعا ارنالعان كەڭ اۋقىمدى باعدارلاما ىسكە قوسىلماق. جوسپارعا سايكەس, مەكتەپتەر جانىنداعى دەمالىس ورتالىقتارىندا 3 ميلليونعا جۋىق وقۋشى ۋاقىت وتكىزەدى. 168 مىڭ بالا ماۋسىمدىق ورتالىقتارعا, ال 44 مىڭنان استام بالا جىل بويعى ورتالىقتارعا قابىلدانادى.
«سونىمەن قاتار الەۋمەتتىك وسال ساناتتاعى بالالار دا نازاردان تىس قالمايدى. 729 مىڭ بالا جانە ەرەكشە ءبىلىم بەرۋ قاجەتتىلىكتەرى بار 53 مىڭ بالا جازعى دەمالىسپەن قامتىلادى. رەسپۋبليكالىق «بالداۋرەن» وقۋ-ساۋىقتىرۋ ورتالىعى مەن «بوبەك» ۇلتتىق ورتالىعى بازاسىندا 5 مىڭ وقۋشى وليمپيادالار مەن سپورتتىق-شىعارماشىلىق باعدارلامالارعا قاتىسادى, ال وڭىرلەردە 370 مىڭ دارىندى بالاعا ارنايى دەمالىس جانە دامىتۋ شارالارى ۇيىمداستىرىلادى», دەپ اتاپ ءوتتى مينيستر.
ايتا كەتەيىك, بيىل ەلىمىزدە 1 ساۋىردەن باستاپ العاش رەت بالالار ساۋىقتىرۋ ورتالىقتارىنىڭ قىزمەتىن ليتسەنزيالاۋ جۇيەسى ەنگىزىلگەن بولاتىن. جاڭا باستاما بالالاردىڭ دەمالىسى, وقۋى جانە ساۋىقتىرىلۋى ءۇشىن بىرىڭعاي تالاپتاردى قالىپتاستىرۋعا باعىتتالعان.
