فوتو: ەرلان ومار/Egemen.kz
تەرگەۋ مالىمەتىنشە, «كازسترويوپىت LTD» كومپانياسىنىڭ باسشىسى كونسالتينگتىك قىزمەت كورسەتۋدى سىلتاۋ ەتىپ, قۇرىلىس سالاسىنداعى جۇمىس تاجىريبەسىن قولدان جاساۋ سحەماسىن ۇيىمداستىرعان.
كۇدىكتىلەر «ەلەكتروندىق دەپوزيتاري» جۇيەسىنە ورىندالعان جۇمىستار مەن نىسانداردى پايدالانۋعا بەرۋ تۋرالى جالعان اكتىلەر ەنگىزىپ وتىرعان. سونىڭ ارقاسىندا تاپسىرىس بەرۋشى كومپانيالار مەملەكەتتىك ساتىپ الۋعا قاتىسۋ كەزىندە زاڭسىز ارتىقشىلىققا يە بولعان.
جەمقورلىقپەن كۇرەس: التى جىلدا 1 000-نان استام شەنەۋنىك سوتتى بولدى
اتالعان سحەما الەۋمەتتىك جەلىلەر مەن ينتەرنەت پلاتفورمالاردا بەلسەندى تۇردە جارنامالانعان.
تەرگەۋ بارىسىندا قىلمىستىق توپ قۇرامىندا 11 ادامنىڭ بولعانى انىقتالدى. سونداي-اق, شىمكەنت قالاسىنىڭ ساۋلەت, قالا قۇرىلىسى جانە جەر قاتىناستارى باسقارماسى لاۋازىمدى تۇلعالارىنا جالعان جۇمىس تاجىريبەسىن راستاۋ ءۇشىن زاڭسىز سىياقى جەتكىزىپ وتىرعان دەلدالدار دا انىقتالعان.
قىلمىستىق تابىستى زاڭداستىرۋ ءۇشىن باقىلاۋداعى زاڭدى تۇلعالار پايدالانىلىپ, ولار ارقىلى قاراجات جينالىپ, قولما-قول اقشاعا اينالدىرىلعان.
تەرگەۋ دەرەگىنە سايكەس, قىلمىستىق كىرىس كولەمى 490 ميلليون تەڭگەدەن اسقان.
سايلاۋ جۇيەسىندەگى جاڭا تالاپ: جەمقورلىقپەن سوتتالعاندار كوميسسيا مۇشەسى بولا المايدى
سونىمەن قاتار, جالعان تاجىريبە قۇجاتتارىن العان جانە مەملەكەتتىك ساتىپ الۋعا قاتىسقان 56 كومپانيا انىقتالدى. ولاردىڭ ماتەريالدارى تەكسەرۋ جۇرگىزۋ ءۇشىن ۋاكىلەتتى ورگاندارعا جولدانعان.
قازىر ءۇش كۇدىكتى قاماۋعا الىنسا, تاعى سەگىز ادامعا ەلدەن شىقپاۋ جانە ءتيىستى مىنەز-ق ۇلىق تۋرالى قولحات تۇرىندەگى بۇلتارتپاۋ شاراسى قولدانىلعان.
قىلمىستىق ءىس سوتقا جىبەرىلدى.
