فوتو: gorny-club.kz
تۋريزم – ەكونوميكا, مادەنيەت, قاۋىپسىزدىك جانە بيزنەس ۇشتاسقان كەشەندى سالا. سوندىقتان تاۋ شاڭعىسى ءتۋريزمىن دامىتۋ الماتى تاۋ كلاستەرىنە قاتىستى جاڭا ءتاسىل مەن زاماناۋي كوزقاراستى قاجەت ەتەدى.
«مەملەكەت باسشىسى قاسىم-جومارت توقاەۆ تۋريزم – ەكونوميكا, مادەنيەت, قاۋىپسىزدىك پەن بيزنەستى بىرىكتىرەتىن كۇردەلى سالا ەكەنىن ەرەكشە اتاپ ءوتتى. شاڭعى ءتۋريزمىن دامىتۋ تۋرالى ايتا كەلە, پرەزيدەنت الماتى تاۋ كلاستەرى ءۇشىن جاڭا كوزقاراستىڭ قاجەت ەكەنىن ايتتى. ءدال وسى تۇرعىدان العاندا Almaty Superski جوباسىن قاراستىرۋ قاجەت. بۇل جەكە ينفراقۇرىلىمدى سالۋ ماسەلەسى عانا ەمەس. بۇل جەردە الماتىنىڭ بولاشاعى, قازاقستاننىڭ بارلىق تۋريستىك سالاسىنىڭ دامۋى, تاۋلاردىڭ ازاماتتار ءۇشىن قولجەتىمدىلىگى, ادامداردىڭ قاۋىپسىزدىگى جانە ىلە الاتاۋىنىڭ بىرەگەي تابيعاتىنا جاۋاپكەرشىلىكپەن قاراۋ تۋرالى اڭگىمە بولىپ وتىر», دەپ اتاپ ءوتتى مينيستر.
ايدا بالاەۆا: Almaty Superski تاۋداعى ءتۋريزمدى دامىتۋدىڭ ۇلگىسىنە اينالۋعا ءتيىس
وسى تۇرعىدان العاندا, Almaty Superski جوباسىن الماتىعا ارنالعان ينفراقۇرىلىمدىق باستاما رەتىندە عانا ەمەس, ەلدىڭ تۇتاس تۋريستىك سالاسىنىڭ دامۋىنا ىقپال ەتەتىن جوبا رەتىندە قاراستىرۋ قاجەت. وسىعان بايلانىستى Almaty Superski جوباسىن جەكەلەگەن ينفراقۇرىلىم نىسانىنىڭ قۇرىلىسى رەتىندە ەمەس, الماتى قالاسىن جانە تۇتاستاي قازاقستاننىڭ تۋريستىك سالاسىن دامىتۋعا باعىتتالعان اۋقىمدى جوبانىڭ ءبىر بولىگى رەتىندە قاراستىرۋ قاجەت.
«بۇگىندە دامۋ مەن ەكولوگيانى ءبىر-بىرىنە قارسى قويۋ دۇرىس ەمەس. جاۋاپتى مەملەكەت تابيعاتتى قورعاۋدى, قاجەتتى ينفراقۇرىلىم قالىپتاستىرۋدى, ادامداردىڭ قاۋىپسىزدىگىن قامتاماسىز ەتۋدى جانە ازاماتتارعا جاڭا مۇمكىندىك اشۋدى قاتار الىپ ءجۇرۋى ءتيىس. Almaty Superski جوباسى قازاقستاننىڭ بىرەگەي تابيعي الەۋەتىن قوعامنىڭ, ەلدىڭ جانە بولاشاق ۇرپاقتىڭ يگىلىگى ءۇشىن قاۋىپسىز ءارى جاۋاپتى تۇردە پايدالانا الاتىنىن كورسەتەتىن ۇلگىگە اينالۋى ءتيىس», دەدى ايدا بالاەۆا.
ايدا بالاەۆا زاماناۋي ينفراقۇرىلىم ەرەجەلەر, ليميتتەر, ءتيىمدى جوسپارلانعان باعىتتار, ەكولوگيالىق مونيتورينگ جانە ەكولوگيالىق مادەنيەت ارقىلى تابيعاتقا تۇسەتىن جۇكتەمەنى ازايتۋعا ءتيىس ەكەنىن ايتتى.
سونداي-اق كوكجايلاۋ جەرلەرى ىلە الاتاۋى مەملەكەتتىك ۇلتتىق تابيعي پاركى قۇرامىنان شىعارىلمايتىنىن جانە ەرەكشە قورعالاتىن تابيعي اۋماق مارتەبەسىن ساقتايتىنىن جانە جوبا اياسىندا جەكە كوتتەدجدەر مەن ۆيللالار سالۋ قاراستىرىلماعانىن اتاپ ءوتتى. جوبا ەكولوگيالىق تالاپتاردى قاتاڭ ساقتاۋ, عىلىمي سۇيەمەلدەۋ, قوعامدىق باقىلاۋ جانە ورىنداۋشىلاردىڭ جەكە جاۋاپكەرشىلىگىمەن عانا ىسكە اسىرىلادى.
