وسىعان بايلانىستى سانيتار دارىگەرلەر قازاقستاندىقتارعا ارنايى ەسكەرتۋ جاسادى.
استانادا قۇرباندىق شالۋ ءراسىمى وتەتىن ورىندار بەلگىلەندءى
«قاسيەتتى قۇربان ايت مەرەكەسى قارساڭىندا تۇرعىندارعا مال ساتۋ, سويۋ جانە تاعام دايىنداۋ كەزىندە سانيتاريالىق-ەپيدەميولوگيالىق تالاپتاردى ساقتاۋ قاجەتتىگىن ەسكە سالامىز. حاباردار بولۋ – تاعامنان ۋلانۋدىڭ, ءجىتى ىشەك ينفەكتسيالارى مەن اسا قاۋىپتى جۇقپالى اۋرۋلاردىڭ الدىن الۋعا كومەكتەسەدى», – دەلىنگەن حابارلامادا.
كوميتەت وكىلدەرىنىڭ ايتۋىنشا, مال ساتۋ جانە سويۋ كەزىندە:
- مالدى تەك ارنايى بەلگىلەنگەن ورىنداردان الۋ جانە قۇرباندىققا شالۋ;
- جانۋارلاردا ۆەتەريناريالىق قۇجاتتاردىڭ بولۋى;
- سويۋ ورىندارىندا سانيتاريالىق تالاپتاردى ساقتاۋ, ياعني سۋ, كارىز جۇيەسىنىڭ بولۋى جانە قالدىقتاردى ۋاقىتىلى شىعارۋ مەن جويۋ;
- قىزمەتكەرلەردىڭ مەديتسينالىق كىتاپشالارىنىڭ بولۋى جانە جەكە گيگيەنانى ساقتاۋى مىندەتتى.
سانيتار دارىگەر ءۇي جاعدايىندا كەڭەس بەرەدى:
- قولدى جۋعا جاعدايدىڭ بولۋى;
- تۇراقتى تۇردە ەت تۇرعان بولمەگە اۋا كىرۋىن قامتاماسىز ەتۋ;
- ونىمدەردى تەك قاۋىپسىزدىگىن راستايتىن قۇجاتتارى بار سەنىمدى ورىنداردان ساتىپ الۋدى;
- ۇيدە دايىندالعان كونسەرۆىلەردى قولدانار الدىندا 15-20 مينۋت تەرميالىق وڭدەۋدەن وتكىزۋدى;
- تەز بۇزىلاتىن تاعامداردى دايىندالعاننان كەيىن بىردەن تۇتىنۋدى جانە ساقتاۋ ءتارتىبى بۇزىلعان جاعدايدا ساقتاماۋدى;
- جۇقپالى نەمەسە تەرى اۋرۋلارىنىڭ بەلگىلەرى بار ادامداردى اس دايىنداۋعا جىبەرمەۋدى ۇسىنادى.
ال قوعامدىق تاماقتانۋ ورىندارى مەن مەشىتتەردە:
- ۇزدىكسىز ىستىق جانە سۋىق سۋ جۇيەسى;
- قول جۋ جانە كەپتىرۋ قۇرالدارى;
- جەلدەتۋ مەن كونديتسيونەر جۇيەلەرىنىڭ دۇرىس جۇمىس ىستەۋى;
- ازىق-ت ۇلىككە قاتىستى قۇجاتتاردىڭ بولۋى;
- سانيتاريالىق تالاپتاردىڭ ساقتالۋى;
- قىزمەتكەرلەردىڭ مەديتسينالىق كىتاپشالارى جانە كۇندەلىكتى اۋىسىم الدىنداعى مەديتسينالىق تەكسەرىستەن ءوتۋى قامتاماسىز ەتىلۋى ءتيىس.
«سانيتاريالىق تالاپتاردى ساقتاماۋ تاعامنان ۋلانۋعا جانە جۇقپالى اۋرۋلاردىڭ تارالۋىنا اكەلۋى مۇمكىن», – دەپ ەسكەرتتى سانيتار دارىگەرلەر.
