فوتو: اشىق دەرەككوز
سوعان قاراماستان, ەڭبەك نارىعىندا قاشىقتان جۇمىس ىستەۋگە مۇمكىندىك بەرەتىن ماماندىقتارعا سۇرانىس ساقتالىپ وتىر. HeadHunter Kazakhstan دەرەگىنە سايكەس, 20 مامىرداعى 36,3 مىڭ ۆاكانسيانىڭ 1,7 مىڭى نەمەسە 4,5%-ى قاشىقتان جۇمىس فورماتىن ۇسىنعان. ونلاين فورماتتاعى ۆاكانسيالاردىڭ ەڭ كوبى IT سالاسىنا تيەسىلى – جالپى ۇسىنىستىڭ 23,9%-ى. بۇدان كەيىن بيزنەسكە قىزمەت كورسەتۋ جانە بولشەك ساۋدا سالالارى تۇر.
قاشىقتان جۇمىس ورىندارىنىڭ 77%-ى الماتى مەن استانادا شوعىرلانعان. كوبىنە كومپانيالار ساتۋ مەنەدجەرلەرىن, تەحنيكالىق قولداۋ ماماندارىن جانە باعدارلاماشىلاردى ىزدەيدى.
ەڭ سۇرانىسقا يە ماماندىق – ساتۋ مەنەدجەرى. بۇل باعىتتا 290 ۆاكانسيا جاريالانعان. ورتاشا جالاقى 501,5 مىڭ تەڭگەدەن اسادى.
Call-ورتالىق قىزمەتكەرلەرى مەن IT ماماندارىنا دا سۇرانىس جوعارى. IT سالاسىندا قاشىقتان جۇمىس ىستەيتىندەردىڭ ايلىعى 100 مىڭنان 800 مىڭ تەڭگەگە دەيىن جەتەدى.
ساراپشىلاردىڭ ايتۋىنشا, جۇمىس بەرۋشىلەر ءۇشىن ديپلومنان بۇرىن ناقتى تاجىريبە مەن كاسىبي داعدى ماڭىزدى. ۆاكانسيالاردىڭ باسىم بولىگى 1-3 جىل تاجىريبەسى بار ماماندارعا ارنالعان. سونىمەن قاتار قاشىقتان جۇمىس ۇسىناتىن كومپانيالاردىڭ 78%-ى قىزمەتكەردى تولىق جۇمىس كۇنىنە قابىلداۋعا مۇددەلى.
