بۇعان دەيىن 25 مامىرعا جوسپارلانعان تەحنيكالىق اشىلۋ ءراسىمى جازدىڭ باسىنا اۋىستىرىلدى. قازىرگى ۋاقىتتا نىسان №8 مامانداندىرىلعان بالالار-جاسوسپىرىمدەر وليمپيادالىق رەزەرۆ سپورت مەكتەبىنىڭ بالانسىنا بەرۋ ءۇشىن زاڭدىق راسىمدەردەن وتۋدە.
ستاديوننىڭ تولىق اشىلۋى قازاقستان جاسوسپىرىمدەر فۋتبول چەمپيوناتىنىڭ باستالۋىمەن تۇسپا-تۇس كەلەدى. تۋرنيردە ەلدىڭ ەڭ مىقتى 15 كومانداسى باق سىنايدى.
جاڭارتىلعان سپورت كەشەنىنىڭ اۋماعى شامامەن 19 مىڭ شارشى مەتردى قۇرايدى جانە 3600 كورەرمەنگە ارنالعان. نىسان UEFA-نىڭ 4-ساناتىنا تولىق سايكەس كەلەدى.
تاريحى 1936 جىلدان باستاۋ الاتىن ستاديوندى جاڭعىرتۋ جۇمىستارىنا 17 ملرد تەڭگە جۇمسالعان. ايتا كەتەيىك, بۇل قاراجات مەملەكەتكە قايتارىلعان زاڭسىز شىعارىلعان اكتيۆتەر ەسەبىنەن ارنايى مەملەكەتتىك قوردان بولىنگەن.
